मुख्य समाचार
तीव्र आलोचना खेपेका फिफा अध्यक्ष जियानी इन्फान्टिनोले आफ्ना 'गल्तीहरू'स्वीकार गर्दै क्षमायाचना
तीव्र आलोचना खेपेका फिफा अध्यक्ष जियानी इन्फान्टिनोले आफ्ना 'गल्तीहरू'स्वीकार गर्दै क्षमायाचना

: विश्वकप तथा अन्य व्यावसायिक अधिकारलाई फिफाले नयाँ व्यावसायिक निकायको करिब २० प्रतिशत हिस्सा निजी लगानीकर्तालाई बिक्री गर्ने विवादित योजना ल्याएपछि तीव्र आलोचना खेपेका फिफा अध्यक्ष जियानी इन्फान्टिनोले आफ्ना 'गल्तीहरू'स्वीकार गर्दै क्षमायाचना गरेका छन्।

विश्वकप तथा अन्य व्यावसायिक अधिकारलाई निजी लगानीकर्तासँग जोड्ने ‘फिफा फरवार्ड इन्टरप्राइज योजना’ (एफएफई) ले विश्व फुटबलमा तीव्र विवाद निम्त्याएपछि उनीमाथि राजीनामाको दबाब बढेको थियाे ।

इन्फान्टिनोको उक्त प्रस्तावको चौतर्फी विरोध भएपछि बुधबार रबातस्थित फिफाको अफ्रिका क्षेत्रीय कार्यालयमा व्यवस्थापन बोर्डका सदस्यहरूलाई आपत्कालीन बैठकका लागि बोलाएका थिए, भने बैठक सकिएको चार घण्टामै फिफाले अध्यक्षप्रति पूर्ण समर्थन रहेको विज्ञप्ति जारी गरेको छ। यससँगै उनी विश्व फुटबलको सर्वोच्च निकाय (फिफा) को अध्यक्ष पदमै कायम रहने भएका छन्।


यसअघि युरोपेली फुटबलको सर्वोच्च निकाय (युईएफए) ले इन्फान्टिनोमाथिको विश्वास गुमेको बताउँदै 'फिफा फरवार्ड इन्टरप्राइज' (एफएफई) सम्बन्धी प्रस्तावलाई 'पारदर्शी नरहेको र अपारदर्शी ढोका पछाडिको सम्झौता'भनी टिप्पणी गरेको थियो।

फिफा भित्रबाटै पनि यस प्रस्तावको कडा आलोचना भएको थियो। फिफाका महासचिव म्याथियास ग्राफस्ट्रोमले आफ्ना कर्मचारीहरूलाई पठाएको आन्तरिक पत्रमा यस घटनाक्रमलाई 'दुःखद र निन्दनीय'भनेका थिए। तर, बुधबारको बैठकपछि महासचिव ग्राफस्ट्रोम र व्यवस्थापन बोर्डले अध्यक्षका रूपमा इन्फान्टिनोलाई आफ्नो 'पूर्ण समर्थन' पुन: दोहोर्‍याएका छन्।

इन्फान्टिनो र ग्राफस्ट्रोमले संयुक्त रूपमा हस्ताक्षर गरी फिफाका उपाध्यक्षहरू, काउन्सिल र २११ सदस्य राष्ट्रहरूलाई पठाएको पत्रमा आफ्ना त्रुटिहरूप्रति 'हृदयदेखि नै क्षमायाचना' गर्दै भविष्यमा यस्ता गल्ती नदोहोरिने प्रतिबद्धता जनाएका छन्। निजी लगानी र आलोचनाको घेराइन्फान्टिनोले नयाँ सहायक कम्पनी 'एफएफई' मार्फत पुरुष तथा महिला विश्वकपसहितका प्रतियोगिताहरूमा निजी लगानी भित्र्याउने प्रस्ताव समर्थन गरेबापत प्रत्येक सदस्य संघलाई ४ करोड अमेरिकी डलर दिने अफर गरेका थिए।

फिफाद्वारा जारी विज्ञप्तिमा एफएफईसम्बन्धी निर्णयमा 'त्रुटिहरू भएको स्वीकार' गरिएको छ। निर्णय प्रक्रियामा फिफा काउन्सिल र सदस्य संघहरूलाई अलग्याइएको जस्तो भान पर्नु नियत नरहेको र प्रक्रियालाई फरक ढंगले अघि बढाउनुपर्ने फिफाले जनाएको छ।

साथै, सञ्चारमाध्यममा प्रस्ताव बाहिरिएपछि उत्पन्न परिस्थिति सम्हाल्नमा पनि गल्ती भएको फिफाले स्वीकार गरेको छ। तर, संस्थाको छवि र प्रतिष्ठामा आँच पुर्याउने कुनै पनि आक्रमण सह्य नहुने र त्यसका लागि आवश्यक कदम चालिने फिफाले चेतावनी दिएको छ।

यसैबीच, सन् २०३० को विश्वकप फाइनल आयोजना गर्न दिने शर्तमा मोरक्कोको समर्थन खोजेको भन्ने द टाइम्सको समाचारलाई फिफाले 'भ्रामक र असत्य' भन्दै खण्डन गरेको छ।

चौतर्फी विरोध र भावी चुनावको रणनीति आफ्नो १० वर्षे कार्यकालकै ठूलो विवादमा तानिएका ५६ वर्षीय इन्फान्टिनोले चौथो कार्यकालका लागि पुन: प्रतिस्पर्धा गर्ने तयारी गरेका छन्। अध्यक्ष पदका अन्य आकांक्षीहरूले सन् २०२६ नोभेम्बर १८ सम्ममा उम्मेदवारी दर्ता गरिसक्नुपर्नेछ भने निर्वाचन सन् २०२७ को मार्चमा मोरक्कोमा हुने फिफा कंग्रेसमार्फत हुनेछ।

जितका लागि २११ सदस्य राष्ट्रहरू मध्ये १०६ भोट आवश्यक पर्छ।तर, युईएफए र अन्य केही सदस्य राष्ट्रहरू अझै उनी प्रति असन्तुष्ट छन्। क्यानाडाका प्रधानमन्त्री मार्क कार्नीले इन्फान्टिनोमाथि अब विश्वास नरहेको बताएका छन् भने पूर्व दिग्गज फुटबलर लुइस फिगोले इन्फान्टिनोलाई तुरुन्तै राजीनामा दिन आह्वान गरेका छन्।

यद्यपि, एसिया र अफ्रिकाका बहुसंख्यक साना तथा विकासोन्मुख राष्ट्रहरूमा इन्फान्टिनोको पकड अझै बलियो देखिन्छ, जसका कारण युईएफएलाई उनलाई पदमुक्त गर्न अन्य महादेशीय संघहरूको समर्थन जुटाउन कठिन हुने देखिएकाे छ ।

प्रतिक्रिया दिनुहोस्
अन्य समाचारहरु
सुदूरपश्चिम रोयल्सले नेपाल प्रिमियर लिग (एनपीएल) को उपाधि जितेको छ। शनिबार भएको फाइनलमा लुम्बिनी लायन्सलाई १० विकेटले पराजित गर्दै सुदूरपश्चिम च्याम्पियन बनेको हो। लुम्बिनीले दिएको १ सय ५६ रनको लक्ष्य सुदूरपश्चिमले १३.३ ओभरमै बिना विकेट क्षति पूरा गर्‍यो। सुदूरपश्चिमका जर्ज मुन्सेले ४९ बलमा शतक पूरा गरे। उनले ८ चौका र ८ छक्का प्रहार गरे। विनोद भण्डारीले ...
। नेपाल प्रिमियर लिग (एनपीएल) मा अनलाइन सट्टेबाजी गरेको आरोपमा ५ जना पक्राउ परेका छन् । सट्टेबाजीको आरोपमा दाङ लमही नगरपालिका–५ रातोडाँडास्थित जस्मिन होटल एण्ड लजबाट ५ जनालाई प्रक्राउ गरिएको नेपाल प्रहरीले जनाएको छ । पक्राउ पर्नेमा १ जना नेपाली र ४ जना भारतीय नागरिक छन् । उक्त स्थानबाट सट्टेबाजीको कारोबारमा प्रयोग भएका विभिन्न कम्पनीका डेस्कटप कम्प्युटर २ ...
। शिक्षा तथा खेलकुदमन्त्री सस्मित पोखरेलले अन्तर्राष्ट्रिय फुटबल महासंघ (फिफा) बाट निलम्बन फुकुवा हुने प्रक्रिया अगाडि बढेको बताएका छन् । थाइल्यान्डमा फिफा र एसियन फुटबल महासंघ (एएफसी) संग छलफल गरी स्वदेश फर्किएका पोखरेलले नेपाली फुटबलको बारेमा फिफा र एएफसी सकारात्मक रहेको बताएका हुन् । ‘फिफाले नै निलम्बन फुकुवा गर्ने प्रक्रिया अगाडि बढाउछ । त्यसपछी सहमतिअनुसार डिसेम्बरसम्ममा ...
। कर्णाली प्रदेशमा पहिलोपटक आयोजना हुन लागेको दशौँ राष्ट्रिय खेलकुद प्रतियोगिताको तयारी अन्तिम चरणमा पुगेको प्रदेश सरकारले जनाएको छ । खेलस्थल व्यवस्थापन, खेलाडीको पोसाक, खेल सामग्री, सुरक्षा, स्वास्थ्य सेवा र उद्घाटन समारोहको तयारी भइरहेपनि सञ्चालनका केही प्राविधिक र व्यवस्थापकीय काम भने अझै चुनौतीका रूपमा देखिएका छन् । मुख्यमन्त्री मंगलबहादुर शाहीले तयारीलाई तीव्रता दिइएको र खेल सुरु ...
। अर्थमन्त्री डा. स्वर्णिम वाग्लेले सुशासन र आर्थिक रूपान्तरणबाट मुलुकको समृद्धि आउने बताएका छन् । विराटनगरमा शुक्रबार आयोजित एक कार्यक्रममा उनले सुशासनलाई आर्थिक रूपान्तरणको आधार र वैधताको मन्त्रका रूपमा वर्तमान सरकारले ग्रहण गरेको उल्लेख गरे । मन्त्री वाग्लेले भ्रष्टाचारले व्यवसायको लागत बढाउने, पहुँचका आधारमा अवसर बाँडिने र प्रतिस्पर्धा कमजोर बनाउने धारणा राखे । उनले सरकारी निकायमा अनावश्यक ...