: काभ्रेको भुम्लु गाउँपालिका-८ स्थित दुलालेश्वर महादेव मन्दिर नजिकबाट सुनकोशी नदीमा हाम फालेपछि एक दम्पती बेपत्ता भएका छन्।
बेपत्ता हुनेमा मण्डनदेउपुर नगरपालिका-७ निवासी ६८ वर्षीय केदारनाथ पराजुली र उनकी ६७ वर्षीया श्रीमती तिलकुमारी पराजुली रहेका छन्।
जिल्ला प्रहरी कार्यालय काभ्रेका डीएसपी रबिन बिष्टका अनुसार उनीहरू आज साँझ दुलालेश्वर महादेव मन्दिर नजिकबाट सुनकोशी नदीमा हामफालेका थिए। तिलकुमारी पराजुली बोन म्यारो क्यान्सरका कारण अपाङ्ग रहेको डीएसपी बिष्टले जानकारी दिए।
घटनालगत्तै प्रहरी चौकी पाँचखाल र दोलालघाटबाट प्रहरी टोली परिचालन गरी नदीमा बेपत्ता दम्पतीको खोजतलास भइरहेको प्रहरीले जनाएको छ। घटनाबारे थप अनुसन्धानसमेत भइरहेको डीएसपी बिष्टले जानकारी दिए।
