मुख्य समाचार
फिफा अध्यक्ष इन्फान्टिनोले माफी मागे, नेतृत्वमा कायमै रहने
फिफा अध्यक्ष इन्फान्टिनोले माफी मागे, नेतृत्वमा कायमै रहने

। फिफा अध्यक्ष जियानी इन्फान्टिनोले विश्वकपलगायतका प्रतियोगितामा निजी लगानी भित्र्याउने विवादास्पद योजनामा भएको त्रुटि स्वीकार गर्दै माफी मागेका छन् ।

यद्यपी फिफाका वरिष्ठ पदाधिकारीहरूले उनको नेतृत्वलाई निरन्तर समर्थन जनाएका छन् ।

बुधबार मोरक्कोको रबाटस्थित फिफाको अफ्रिका कार्यालयमा बसेको व्यवस्थापन बोर्डको बैठकपछि फिफाले इन्फान्टिनोलाई पूर्ण समर्थन रहेको जनाएको हो ।

यसअघि युरोपेली फुटबल महासंघ (यूईएफए) ले निजी लगानीसम्बन्धी प्रस्तावलाई ‘अपारदर्शी र बन्द कोठामा गरिएको सम्झौता’ भन्दै इन्फान्टिनोमाथिको विश्वास गुमाएको जनाएको थियो ।


फिफाका महासचिव माटियास ग्राफस्ट्रोमले पनि आन्तरिक सर्कुलरमार्फत घटनालाई ‘दुःखद र निन्दनीय’ भनेका थिए । तर बैठकपछि ग्राफस्ट्रोम र व्यवस्थापन बोर्डले संयुक्त रूपमा इन्फान्टिनोलाई अध्यक्षका रूपमा पूर्ण समर्थन गर्ने निर्णय गरेका छन् ।

इन्फान्टिनो र ग्राफस्ट्रोमले फिफाका उपाध्यक्ष, परिषद् सदस्य तथा २११ सदस्य राष्ट्रलाई संयुक्त पत्र पठाउँदै आफूहरूबाट भएका त्रुटिप्रति इमान्दारीपूर्वक माफी मागेका छन् । साथै भविष्यमा यस्ता गल्ती नदोहोरिने प्रतिबद्धतासमेत व्यक्त गरेका छन् ।

इन्फान्टिनोले नयाँ सहायक कम्पनी फिफा फरवार्ड इन्टरप्राइज (एफएफई) मार्फत पुरुष र महिला विश्वकपसहितका प्रतियोगितामा निजी लगानी भित्र्याउने प्रस्ताव अघि सारेका थिए । प्रस्तावलाई समर्थन गरे प्रत्येक सदस्य राष्ट्रलाई ४ करोड अमेरिकी डलर उपलब्ध गराइने योजना पनि सार्वजनिक भएको थियो ।

फिफाले बैठकमा उक्त प्रक्रियामा सदस्य राष्ट्र र फिफा परिषद्लाई पर्याप्त रूपमा सहभागी नगराइनु गल्ती भएको स्वीकार गरेको छ। साथै योजना सार्वजनिक भएपछि त्यसको व्यवस्थापनमा पनि कमजोरी भएको जनाएको छ ।

यद्यपी फिफाले आफ्नो सुशासन र संस्थागत विश्वसनीयतामाथि हुने आक्रमण सहन नसकिने चेतावनी दिँदै संस्थाको प्रतिष्ठा जोगाउन आवश्यक कदम चालिने जनाएको छ ।

यसैबीच फिफाले मोरक्कोलाई समर्थनको बदलामा सन् २०३० विश्वकपको फाइनल आयोजना गर्ने आश्वासन दिएको भन्ने समाचारलाई पनि अस्वीकार गरेको छ ।

फिफाले त्यसलाई ‘भ्रामक र गलत’ दाबी गर्दै फाइनलको आयोजना स्थल उपयुक्त समयमा तय गरिने जनाएको छ ।

-बीबीसीबाट

प्रतिक्रिया दिनुहोस्
अन्य समाचारहरु
सुदूरपश्चिम रोयल्सले नेपाल प्रिमियर लिग (एनपीएल) को उपाधि जितेको छ। शनिबार भएको फाइनलमा लुम्बिनी लायन्सलाई १० विकेटले पराजित गर्दै सुदूरपश्चिम च्याम्पियन बनेको हो। लुम्बिनीले दिएको १ सय ५६ रनको लक्ष्य सुदूरपश्चिमले १३.३ ओभरमै बिना विकेट क्षति पूरा गर्‍यो। सुदूरपश्चिमका जर्ज मुन्सेले ४९ बलमा शतक पूरा गरे। उनले ८ चौका र ८ छक्का प्रहार गरे। विनोद भण्डारीले ...
। नेपाल प्रिमियर लिग (एनपीएल) मा अनलाइन सट्टेबाजी गरेको आरोपमा ५ जना पक्राउ परेका छन् । सट्टेबाजीको आरोपमा दाङ लमही नगरपालिका–५ रातोडाँडास्थित जस्मिन होटल एण्ड लजबाट ५ जनालाई प्रक्राउ गरिएको नेपाल प्रहरीले जनाएको छ । पक्राउ पर्नेमा १ जना नेपाली र ४ जना भारतीय नागरिक छन् । उक्त स्थानबाट सट्टेबाजीको कारोबारमा प्रयोग भएका विभिन्न कम्पनीका डेस्कटप कम्प्युटर २ ...
। शिक्षा तथा खेलकुदमन्त्री सस्मित पोखरेलले अन्तर्राष्ट्रिय फुटबल महासंघ (फिफा) बाट निलम्बन फुकुवा हुने प्रक्रिया अगाडि बढेको बताएका छन् । थाइल्यान्डमा फिफा र एसियन फुटबल महासंघ (एएफसी) संग छलफल गरी स्वदेश फर्किएका पोखरेलले नेपाली फुटबलको बारेमा फिफा र एएफसी सकारात्मक रहेको बताएका हुन् । ‘फिफाले नै निलम्बन फुकुवा गर्ने प्रक्रिया अगाडि बढाउछ । त्यसपछी सहमतिअनुसार डिसेम्बरसम्ममा ...
। कर्णाली प्रदेशमा पहिलोपटक आयोजना हुन लागेको दशौँ राष्ट्रिय खेलकुद प्रतियोगिताको तयारी अन्तिम चरणमा पुगेको प्रदेश सरकारले जनाएको छ । खेलस्थल व्यवस्थापन, खेलाडीको पोसाक, खेल सामग्री, सुरक्षा, स्वास्थ्य सेवा र उद्घाटन समारोहको तयारी भइरहेपनि सञ्चालनका केही प्राविधिक र व्यवस्थापकीय काम भने अझै चुनौतीका रूपमा देखिएका छन् । मुख्यमन्त्री मंगलबहादुर शाहीले तयारीलाई तीव्रता दिइएको र खेल सुरु ...
। अर्थमन्त्री डा. स्वर्णिम वाग्लेले सुशासन र आर्थिक रूपान्तरणबाट मुलुकको समृद्धि आउने बताएका छन् । विराटनगरमा शुक्रबार आयोजित एक कार्यक्रममा उनले सुशासनलाई आर्थिक रूपान्तरणको आधार र वैधताको मन्त्रका रूपमा वर्तमान सरकारले ग्रहण गरेको उल्लेख गरे । मन्त्री वाग्लेले भ्रष्टाचारले व्यवसायको लागत बढाउने, पहुँचका आधारमा अवसर बाँडिने र प्रतिस्पर्धा कमजोर बनाउने धारणा राखे । उनले सरकारी निकायमा अनावश्यक ...