। धनकुटामा गुडिरहेको अटोमा आगलागी हुँदा अटो पूर्णरुपमा जलेर नष्ट भएको छ ।
आगलागीबाट अन्दाजी २ लाख रुपैयाँ बराबरको क्षति भएको प्रारम्भिक अनुमान गरिएको जिल्ला प्रहरी कार्यालय धनकुटाका सुचना अधिकारी हेमन्त भण्डारी क्षेत्रीले जानकारी दिए
धनकुटा नगरपालिका वडा नं. १ त्रिशुलेस्थित कोशी लोकमार्गमा शनिबार हिलेबाट जोरपाटीतर्फ जाँदै गरेको को २ ह ८१७७ नम्बरको अटोमा अचानक आगलागी भएको हो ।
अटोमा आगलागी भएको सूचना प्राप्त हुनासाथ प्रहरी चौकी हिले, धनकुटाबाट प्रहरी टोली घटनास्थलमा पुगेको थियो। प्रहरी टोलीले स्थानीयको सहयोगमा अटोमा लागेको आगो नियन्त्रणमा लिएको प्रहरीले जनाएको छ ।
अटोमा चालकसहित चार जना थिए । आगलागी भए पनि अटोमा सवार चारै जना सकुशल रहेको प्रहरीले जनाएको छ ।
आगलागीको कारण भने खुल्न सकेको छैन । घटनाबारे थप अनुसन्धान भइरहेको जिल्ला प्रहरी कार्यालय धनकुटाले जनाएको छ ।
