मुख्य समाचार
इजरायली सेनाले आफ्ना सबै सैन्य बिदा रद्द
इजरायली सेनाले आफ्ना सबै सैन्य बिदा रद्द

: मध्यपूर्वमा जारी तनावबीच अमेरिका र इरानबीच वार्ता जारी छ । सम्भवतः चाँडै नै यसबारे कुनै सकारात्मक खबर आउन सक्छ । तर, यसैबीच एउटा आश्चर्यजनक खबर बाहिर आएको छ । इजरायली सेनाले आफ्ना सबै सैन्य बिदा रद्द गरेको बताइएको छ । स्रोतका अनुसार, यस कदमले प्रधानमन्त्री बेन्जामिन नेतन्याहूले इरानमाथि नयाँ हमला गर्ने तयारी गरिरहेको संकेत गरेको हुन सक्छ ।

इजरायली च्यानल १३ का अनुसार, इजरायलले तेहरानविरुद्ध एकतर्फी सैन्य कारबाहीको तयारी गरिरहेको भनिएको समयमा यो निर्णय गरिएको हो । इजरायलले अमेरिका अब आफ्ना शर्तअनुसार युद्ध जारी राख्न तयार नरहेको निष्कर्ष निकालेको बताइएको छ । रिपोर्टहरूका अनुसार, अमेरिका यो संघर्षबाट बाहिर निस्कने बाटो खोजिरहेको छ । अमेरिकी जनरल ड्यान केन ‘अफ–र्याम्प’ अर्थात् युद्धबाट बाहिरिने विकल्प खोजिरहेका छन् र इरानलाई पराजित गर्न केवल हवाई शक्तिले मात्र पर्याप्त नहुने उनको धारणा रहेको बताइएको छ ।

यसैबीच, इजरायलले अमेरिकी कूटनीतिक प्रयासलाई गतिरोधका रूपमा हेर्दै स्वतन्त्र रूपमा कारबाही गर्ने तयारी गरिरहेको बताइएको छ । इजरायलले इरान अपेक्षाभन्दा लामो समयसम्म युद्धमा टिकिरहेको निष्कर्ष निकालेपछि यस्तो आकलन गरिएको हो । रिपोर्टहरूमा नेतन्याहूले वरिष्ठ सरकारी अधिकारी तथा इस्लामिक रिभोलुसनरी गार्ड कप्र्सका अधिकारीहरूविरुद्ध हमला गर्न आदेश दिएको दाबी पनि गरिएको छ । यद्यपि, इजरायलले एकतर्फी रूपमा कारबाही अघि बढाएमा इजरायल आफैं इरानको प्रमुख निशाना बन्न सक्ने जोखिम पनि रहेको बताइएको छ ।

किन ग¥यो सबै सैन्य बिदा रद्द ?
रिपोर्टअनुसार, इजरायल डिफेन्स फोर्सेजले आधिकारिक रूपमा सबै सैन्य बिदा रद्द गरेको छ । यो निर्णयले विशेष ध्यान तानेको छ, किनकि इजरायलले यसअघि फेब्रुअरी २६ मा पनि यस्तै निर्णय गरेको थियो । त्यसबेला इरानका सर्वोच्च नेताको परिसरलाई लक्षित गरी गरिएको हमलाभन्दा करिब ४८ घण्टाअघि सैन्य बिदा रद्द गरिएको थियो । त्यसैले, अहिलेको यो निर्णयले इजरायलले फेरि अर्को ठूलो सैन्य कारबाहीको तयारी गरिरहेको हुन सक्ने आशंका बढाएको छ ।

इरानले हाइफा र तेल अभिभलाई दियो धम्की
इरानले यसअघि नै यदि इजरायलले तनाव बढाएमा उसले हाइफा रिफाइनरी तथा तेल अभिभलाई प्रत्यक्ष निशाना बनाउन सक्ने चेतावनी दिइसकेको छ । स्रोतका अनुसार, इजरायलसँग रहेका इन्टरसेप्टर मिसाइलको भण्डार निकै कम भएको दाबी गरिएको छ । यस्तो अवस्थामा नयाँ हमला गरे त्यसको जवाफी कारबाही सामना गर्न इजरायललाई कठिन हुन सक्ने बताइएको छ ।

प्रतिक्रिया दिनुहोस्
अन्य समाचारहरु
इरानका विदेशमन्त्री अब्बास अराघचीले गाजाको पछिल्लो अवस्थालाई पश्चिमा सञ्चारमाध्यमले बेवास्ता गरेको आरोप लगाएका छन् । उनले गाजामा भइरहेको अवस्थालाई ‘मौन नरसंहार’को संज्ञा दिँदै यसबारे सञ्चारमाध्यममा लगभग शून्य ध्यान दिइएको बताएका छन् । अराघचीले एक्समा लेख्दै गाजाको भयावह अवस्था अब पश्चिमा सञ्चारमाध्यमका प्रमुख समाचार बन्न छाडेको बताएका छन् । उनले यस्तो अवस्था लज्जास्पद भएको टिप्पणी गरेका छन् । समाचारमा ...
: पाकिस्तानको खैबर पख्तुनख्वा प्रान्तको कोहटमा अवैध सुन खानीविरुद्धको अभियानबाट फर्किरहेको प्रहरी टोलीमाथि आक्रमण भएको छ। आक्रमणमा कम्तिमा १० सुरक्षाकर्मी र १८ आतङ्ककारी मारिएका छन्। कोहट प्रहरी प्रवक्ता नोमान जेबले बीबीसी उर्दूलाई बताएअनुसार मृत्यु हुनेमा डीएसपी दर्जाका अधिकारी हैदर जमान पनि छन्। खैबर पख्तुनख्वा प्रहरीका अनुसार कोहट शहर नजिकैको दाराबुकाच क्षेत्रमा प्रहरीले स्थानीय प्रशासनसँग संयुक्त ...
। इरानले अमेरिका र इजरायलसँगको युद्धपछि होर्मुज जलघाँटीको व्यवस्थापन युद्धअघिको अवस्थामा नफर्कने बताएको छ । इरानी संसद्का अध्यक्ष तथा प्रमुख वार्ताकार मोहम्मद बाघेर गालिबफले उक्त जलमार्गको निगरानी र व्यवस्थापनबारे इरान र ओमानबीच समझदारी भएको जानकारी दिएका छन्। अल जजिरासँगको अन्तर्वार्तामा उहाँले युद्ध अन्त्यका लागि अमेरिकासमक्ष सातबुँदे प्रस्ताव पठाइएको र कतारमार्फत जवाफको प्रतीक्षा भइरहेको बताए। प्रस्तावमा अमेरिकी ...
। इजरायलमा बेन्जामिन नेतान्याहुलाई प्रधानमन्त्री बन्नबाट रोक्न गादी आइजेनकोटले ठूलो कदम चालेका छन्। आइजेनकोटले आफ्ना सहकर्मीहरूसँग मिलेर संसद्‌मा ८ वटा विधेयक पेस गरेका छन्। यसमध्ये एउटा विधेयक पारित भएमा भ्रष्टाचारका मामिलामा मुद्दा खेपिरहेका नेता वा सांसद प्रधानमन्त्री बन्न पाउने छैनन्। नेतान्याहुमाथि भ्रष्टाचारका ३ वटा मुद्दा चलिरहेका छन्। यदि यो विधेयक पास भयो भने उनी पुनः प्रधानमन्त्री ...
। यमनमा अदन सहरमा हुथी विद्रोहीले आक्रमण गरेको छ । साउदी अरबसमर्थित सरकारका सुरक्षा स्रोतहरूले बुधबार अदन सहरमा हुथी विद्रोहीले आक्रमण गरेको जानकारी दिएका हुन् । सुरक्षा स्रोतका अनुसार आक्रमणमा सरकारसम्बद्ध सुरक्षा बलका सैन्य शिविरहरूलाई निशाना बनाइएको थियो । अदन सहरबाटै साउदी समर्थित सरकार सञ्चालन हुँदै आएको छ । यसअघि हुथी विद्रोहीको नियन्त्रणमा रहेको राजधानी सानामा गत ...