मुख्य समाचार
कोरियामा सहकर्मीको उद्धारका लागि ट्यांकीभित्र पसेका नेपालीको मृत्यु
कोरियामा सहकर्मीको उद्धारका लागि ट्यांकीभित्र पसेका नेपालीको मृत्यु

: दक्षिण कोरियाको जेजुमा सहकर्मीलाई उद्धार गर्ने क्रममा फोहोर तथा मलमूत्र प्रशोधन गर्ने ट्यांकीभित्र प्रवेश गरेका नेपाली श्रमिकको मृत्यु भएको छ । मृत्यु हुनेमा ताप्लेजुङ घर भएका र हाल कोरियाको जेजुस्थित एक फार्ममा कार्यरत ३२ वर्षीय विकास शेर्पा रहेको कोरियास्थित नेपाली राजदूतावासले जनाएको छ ।

हिजो शनिबार बिहान करिब ७ः५६ बजे जेजु सहरको हान्ग्यङ–म्योन, जोसुरी क्षेत्रमा रहेको सुँगुर फार्मको फोहोर तथा मलमूत्र प्रशोधन गर्ने ट्यांकीमा श्रमिक फसेको भन्दै स्थानीय प्रहरीलाई सूचना प्राप्त भएको थियो । जेजु अग्नि सुरक्षा मुख्यालय र जेजु पश्चिमी प्रहरीले सार्वजनिक गरेको विवरण अनुसार ३० वर्ष आसपासका भियतनामी श्रमिक ट्यांकीभित्र जडान गरिएको पानीमुनिको पम्पमा समस्या आएको छ कि छैन भनेर जाँच गर्न ट्यांकीभित्र प्रवेश गरेका थिए ।

उनी ट्यांकीभित्र समस्यामा परेपछि उनलाई उद्धार गर्न नेपाली श्रमिक विकास शेर्पा पनि ट्यांकीभित्र प्रवेश गरेका थिए । उक्त ट्यांकी करिब ५ मिटर लम्बाइ, ५ मिटर चौडाइ र ५ मिटर उचाइको रहेको थियो । ट्यांकीको करिब ५० प्रतिशत भाग मलमूत्रलगायत फोहोर पदार्थले भरिएको अवस्थामा रहेको प्रहरीले जनाएको छ । घटनाको सूचना प्राप्त भएको करिब ५० मिनेटपछि उद्धार टोलीले दुबै श्रमिकलाई ट्यांकीबाट बाहिर निकालेको थियो । भियतनामी श्रमिकलाई बिहान ८ः४७ बजे र नेपाली श्रमिकलाई ८ः५७ बजे ह्दय गति बन्द भएको अवस्थामा उद्धार गरिएको थियो ।

दुबैलाई तत्काल अस्पताल लगिए पनि उपचारका क्रममा दुई जनाकै मृत्यु भएको जनाइएको छ । प्रहरीले ट्यांकीभित्रको अवस्था र दुर्घटनाको कारणबारे अनुसन्धान गरिरहेको छ । ट्यांकीभित्र श्रमिक प्रवेश गर्नुपर्ने अवस्था, कार्यस्थलमा अपनाइएको सुरक्षा व्यवस्था तथा आवश्यक सुरक्षा उपकरणको अवस्था लगायतका विषयमा सम्बन्धित व्यक्तिहरूसँग सोधपुछ भइरहेको प्रहरीले जनाएको छ ।

ट्यांकीभित्रको ग्यास वा अन्य जोखिमका कारण दुर्घटना भएको हुनसक्ने आशंका गरिए पनि घटनाको वास्तविक कारण भने अनुसन्धानपछि मात्र स्पष्ट हुने प्रहरीले जनाएको छ । जेजुको यो घटनाबाट दक्षिण कोरियामा कार्यरत विदेशी श्रमिकका लागि जोखिमपूर्ण कार्यस्थलमा आवश्यक सुरक्षा सावधानी, सुरक्षा उपकरणको प्रयोग र आपतकालीन उद्धार व्यवस्थालाई थप प्रभावकारी बनाउनु पर्ने आवश्यकता देखिएको छ ।

प्रतिक्रिया दिनुहोस्
अन्य समाचारहरु
: न्युजिल्यान्ड नेपाल चेम्बर अफ कमर्स (एनजेडएनसीसी) ले अकल्यान्डमा आफ्नो १०औं वार्षिकोत्सव मनाएको छ। ‘क्लाइम्बिङ न्यु हाइट्स’ अर्थात् ‘नयाँ उचाइतर्फको यात्रा’ भन्ने नाराका साथ आयोजित कार्यक्रममा नेपाल र न्युजिल्यान्डबीच सरकारी तह (जीटुजी) तथा निजी क्षेत्र (बीटुबी) मार्फत सहकार्यका सम्भावना अघि बढाउने विषयमा छलफल गरिएको छ। अकल्यान्ड सिटीस्थित अकल्यान्ड बिजनेस चेम्बरमा आयोजित कार्यक्रममा दुई देशबीच आर्थिक ...
। बेलायत अन्तर्राष्ट्रिय विद्यार्थीका लागि लोकप्रिय गन्तव्यहरूमध्ये एक मानिन्छ । तर, सरकारको कठोर अध्यागमन नीतिका कारण अहिले यहाँ आउने विदेशी विद्यार्थी क्रमशः घट्न थालेको तथ्यांकले देखाएका छन् । बेलायत पढ्न आउने नेपालीसहित अन्तर्राष्ट्रिय विद्यार्थीहरुको संख्यामा ठूलो गिरावट आएको छ । बेलायती गृह मन्त्रालय (होम अफिस) का अनुसार, यस वर्ष अक्टोबर २०२६ अन्त्यसम्म अध्ययन भिजा मुख्य आवेदक संख्या ...
। लन्डनमा शनिबार सम्पन्न प्रतिष्ठित ‘लर्ड मेयर शो’ परेडमा गोर्खाली विरासत र नेपाली कला, संस्कृति तथा परम्पराको विशेष प्रदर्शनी गरिएको छ। लन्डन सिटीका नयाँ लर्ड मेयरको नियुक्तिको अवसरमा आयोजित ऐतिहासिक परेडमा प्रतिभा नक्षत्रको संयोजनमा नेपाली समुदायले गोर्खाली इतिहास, वीरता र नेपालको सांस्कृतिक विविधता झल्काउने प्रस्तुति गरेको हो। करिब सात हजार जना सहभागी उक्त परेडको करिब तीन माइल ...
— बेलायतको रश्मूर क्षेत्रमा बसोबास गर्ने नेपाली समुदायले एकैदिन गोर्खाली सैनिकहरूको वीरताको स्मरण गर्दै देउसी–भैलो खेलेर तिहार मनाएका छन् । ग्रेटर रश्मूर नेपाली कम्युनिटी (जीआरएनसी) को आयोजनामा यस वर्ष पहिलोपटक उनीहरूले कुकुर तिहारसमेत मनाएका छन् । रश्मूर क्षेत्रको अल्डरसटस्थित प्रिन्सेस गार्डेनमा नोभेम्बर ७ मा रिमेम्बरेन्स डे (स्मृति दिवस) को औपचारिक कार्यक्रम आयोजना गरी वीर गोर्खालीको योगदान, ...
। अमेरिकाको भर्जिनिया राज्यमा ममता काफ्लेको हत्या प्रकरणमा उनका पति नरेश भट्ट दोषी ठहर भएका छन् । १० नोभेम्बर २०२६ मा जुरीले भट्टलाई प्रथम श्रेणीको हत्या, शव लुकाएको र शव विकृत बनाएको अभियोगमा दोषी ठहर गरेको अमेरिकी सञ्चारमाध्यमहरूले जनाएका छन् । सीएनएनका अनुसार भट्टले आफ्नी पत्नीको हत्या गरेको अभियोग अस्वीकार गर्दै आएकामा जुरीले उनको दाबी अस्वीकार ...