। चितवनमा बाघको आक्रमणबाट एक जनाको मृत्यु भएको छ ।
मृत्यु हुनेमा ६५ वर्षीय मंगले बोटे रहेका छन् । मंगलबार बिहान करिब ५ बजेतिर मर्निङ वाकमा निस्किएका बोटेलाई भरतपुर महानगरपालिका–२८ जितपुरमा बाघले आक्रमण गरेको थियो ।
मर्निङवाकमा निस्किएका बोटे एक्कासी बेपत्ता भएपछि उनको खोजतालस गरिएको थियो ।
बिहान करिब ८ बजेतिर उक्त स्थानमा बाघ देखिएको भन्ने खबरपाएसँगै प्रहरी, नेपाली सेना, राष्ट्रिय निकुञ्जको प्रशासन टोली र स्थानीयले हात्तीको प्रयोग गरी खोजतलास गरिएको थियो ।
खोजतलास गर्ने क्रममा साँझ ४:२० बजे घटनास्थलबाट करिब ४/५ किलोमिटर पूर्व राप्ती हरियाली तथा बेथरी मध्यवर्ती सामुदायिक वनमा उनको शव फेला परेको थियो ।
बाघले आक्रमण गरेको अवस्थामा बोटेको शव फेला परेको र शवको पहिचान बोटेका छोराले सनाखत गरेको प्रहरीले जनाएको छ ।
घटनाबारे थप अनुसन्धान भइरहेको छ ।
