: नेपाली कांग्रेसका सांसद अभिषेक प्रताप शाहले मधेश प्रदेशमा घटेका दुई साम्प्रदायिक घटनामा सरकारले पक्षपातपूर्ण व्यवहार देखाएको आरोप लगाएका छन् ।
सोमबार प्रतिनिधिसभाको बैठकको शून्य समयमा बोल्दै शाहले २०८२ चैत्र ७ गते कपिलवस्तुको महाराजगञ्ज नगरपालिका वडा नं. २ बरगदामा भएको घटना र हालै सुनसरीमा भएको घटनामा सरकारले पक्षपातपूर्ण व्यवहार गरेको आरोप लगाएका हुन् ।
दुवै घटनाको प्रकृति, पृष्ठभुमी र संवेदनशिलता एउटै भए पनि राज्यले फरक व्यवहार गरेको शाहको भनाई छ । सरकारले सुनसरी घटनामा देखाएको तत्परता र बरगदा घटनामा देखाएको मौनताले राज्यको नांगो रुपलाई उदांगो पारेको सांसद शाहको जिकिर छ ।
सुनसरी घटनाका पीडितलाई सहिद घोषणा, सरकारी जागीर, राहत तथा क्षतिपूर्ति उलपब्ध गराउँदा कपिलवस्तु घटनाका पिडितलाई उपचार खर्च समेत नदिइएको भन्दै शाहले दु:ख व्यक्त गरेका हुन् ।
न्याय भुगोल, समुदाय र राजनितिक पहुँचका आधारमा बाँडिने वस्तु नभएको भन्दै उनले कपिलवस्तु घटनाका मृतक अरुण यादवलाई तत्काल सहिद घोषणा गरी घाईतेहरुको अहिलेसम्मको उपचार खर्च व्यवस्थापन गर्न सरकारसँग माग गरेका छन् ।
