: नेकपा (एमाले)का अध्यक्ष केपी शर्मा ओलीले राष्ट्रिय शोकको वेला कसैले पनि राजनीति गर्न नहुने बताएका छन्। भोटेकोशीमा आएको बाढीपछिको अवस्थाका बारेमा छलफल गर्न आइतबार पार्टी कार्यालयमा आयोजित कार्यक्रममा ओलीले बाढी प्रभावितको पीडालाई समाधान गर्ने सबैको साझा दायित्व भएको बताएका हुन्।
देश अहिले चरम विपत्तिमा रहेकोले यो समय कसैको आलोचना र टीकाटिप्पणी गर्ने नरहेको उनले बताए। प्रभावितको उद्धार र राहतका लागि सबैले उदारतापुर्वक ढंगले हात अगाडि बढाएउनु पर्ने ओलीको भनाई छ। सरकारको दायित्व अरुको भन्दा बढी हुने उल्लेख गर्दै उनले सरकारले उद्धार, राहत र पुनर्निमाणमा जोड दिनुपर्ने बताए।
यस्तै अध्यक्ष ओलीले विपद्को समयमा पनि एमाले र एमाले नेतृत्वकाविरुद्ध विभिन्न षड्यन्त्र गरेर बदनाम गर्ने काम भइरहेको जिकिर गरे।
