। रसुवास्थित भोटेकोशीमा एक्कासी आएको भीषण बाढीमा परेर नेपाल प्रहरीका २५ जना बेपत्ता भएका छन् । तीन जनाको शव फेला परेको छ ।
बाढीमा परेर मृत्यु भएका परिवारले भने केही आर्थिक राहत पाउने नेपाल प्रहरीले बताएको छ । नेपाल प्रहरीका केन्द्रीय प्रवक्ता तथा डीआईजी अबि नारायण काफ्लेका अनुसार मृतकका परिवारले कल्याण कोषबाट ३ लाख पाउनेछन् । कल्याण कोषबाटै किरिया खर्चबापत ४० हजार पाउने छन् ।
त्यस्तै राष्ट्रिय वाणिज्य बैंकबाट बीमाबापत ५ लाख, राष्ट्रिय बीमा संस्थानबाट २ लाख र संगठनबाट राहत स्वरुप १० लाख पाउने प्रवक्ता काफ्लेले बताए ।
