। नेकपा (एमाले) का अध्यक्ष तथा पूर्वप्रधानमन्त्री केपी शर्मा ओली नुवाकोटको बिदुर नगरपालिका–५ बाट बाढी प्रभावित क्षेत्रको निरीक्षणका लागि प्रस्थान गरेका छन्।
ओली स्वयंसेवक (भोलेन्टियर) टोलीसहित बिदुर नगरपालिका–५ अन्तर्गत पर्ने बटार, ढुङ्गे लगायतका बाढीबाट प्रभावित क्षेत्रको स्थलगत निरीक्षणका लागि पुगेका हुन् ।
भदौ १० गते बुधबार बिहान चीनतर्फबाट आएको बाढीका कारण भोटेकोशी तथा त्रिशूली नदीमा आएको बाढीले रसुवा, नुवाकोट र धादिङलगायतका क्षेत्रमा ठूलो भौतिक तथा मानवीय क्षति पुर्याएको छ ।
बाढीका कारण नदी किनारका बस्ती, सडक तथा विभिन्न भौतिक संरचनामा क्षति पुगेको छ ।
बाढीबाट भएको क्षतिको अवस्था बुझ्न तथा प्रभावित नागरिकसँग प्रत्यक्ष भेटघाट गर्न ओली स्वयंसेवक टोलीसहित प्रभावित क्षेत्रमा पुगेका हुन् ।
