। जर्जिया मेलोनी दोस्रो विश्वयुद्धपछि इटालीमा सबैभन्दा लामो समय पदमा रहने प्रधानमन्त्री बनेकी छन् । यस उपलब्धिमा भारतका प्रधानमन्त्री नरेन्द्र मोदीले उनलाई बधाई दिएका छन् ।
प्रधानमन्त्री मोदीले सामाजिक सञ्जाल एक्समा लेखेका छन्, ‘मेरा मित्र र प्रधानमन्त्री जर्जिया मेलोनीलाई दोस्रो विश्वयुद्धपछि लगातार सबैभन्दा लामो समयसम्म प्रधानमन्त्री पदमा रहने प्रधानमन्त्री बनेकोमा बधाई । यो उपलब्धिले उहाँको नेतृत्वमा इटालीका जनताको भरोसा र विश्वासलाई देखाउँछ ।’
मोदीले भारत र इटालीबीचको विशेष रणनीतिक साझेदारीलाई मजबुत बनाउन मेलोनीको मित्रता र सहयोगको पनि अहम् भूमिका रहेको बताएका छन् । ‘म दुवै देशका जनताको राम्रो र समृद्ध भविष्यका लागि उहाँसँग मिलेर काम जारी राख्ने आशा गर्छ,’ मोदीले भनेका छन् ।
आउने वर्षहरूमा मेलोनीको सफलताका लागि आफ्ना तर्फबाट मोदीले शुभकामना पनि दिएका छन् ।
यसअघि मेलोनीले एक्समा गणतन्त्र इटालीको इतिहासमा सबैभन्दा लामो समयको सरकार बनेकामा खुशी व्यक्त गरेकी थिइन् । ‘आज हाम्रो सरकार इटाली गणतन्त्रको इतिहासमा सबैभन्दा लामो समयसम्म काम गर्ने सरकार बनेको छ,’ मेलोनीले लेखेकी छन् ।
उनले यसका लागि गहिरो भावनाका साथ स्वागत गरेको उल्लेख गरेकी छन् ।
‘स्थिरता कुनै यस्तो रेकर्ड होइन्, जसको देखावा गरियोस्,’ उनले अगाडि लेखेकी छन्, ‘बरु यो त्यो स्थिति हो जसले कुनै देशलाई योजना बनाउन, निर्णय लिन, वादा पूरा गर्न र सम्मान पाउन मद्दत गर्छ ।’
