: नेपाल भलिबल लिग (एनबिएल)को पहिलो संस्करणको तेस्रो दिनको दोस्रो खेलमा कर्णाली शिवराजले खप्तड फालकन्सलाई पराजित गरेको छ।
राष्ट्रिय खेलकुद परिषद् (राखेप)को कभर्ड हलमा साँझ ७ बजे सुरु भएको खेलमा कर्णालीले खप्तडलाई ३–०को सोझो सेटमा पराजित गरेको हो।
कर्णाली शिवराजले खप्तड फालकन्सलाई २५–१९,२५–१९ र २५–१९ ले पराजित गरेको हो।
प्रतियोगिताको पहिलो खेलमा कर्णालीले अन्नपूर्ण स्पाइकर किङ्सलाई पराजित गरेको थियो। खप्तड फालकन्सको भने यो लगातार दोस्रो हार हो। खप्तड फालकन्स पहिलो खेलमा सगरमाथा स्म्यासर्ससँग पराजित भएको थियो।
आजको पहिलो खेलमा अन्नपूर्ण स्पाइकर किङ्सले काठमाडौं रेड्सलाई पराजित गरेको थियो।
