मुख्य समाचार
बाढीपीडितको सहयोगार्थ लन्डनको ‘द बिग हाफ म्याराथन’
बाढीपीडितको सहयोगार्थ लन्डनको ‘द बिग हाफ म्याराथन’

। नेपालमा भोटेकोशी बाढीपीडितको सहयोगार्थ ३०० बढी नेपाली धावक लन्डनको प्रमुख हाफ म्याराथन ‘द बिग हाफ म्याराथन २०२६’ मा सहभागी भएका छन् ।

यस वर्ष दौड्ने नेपाल रन यूके आवद्ध हरेक नेपालीले म्याराथनलाई नेपालमा आएको विनाशकारी बाढीबाट प्रभावित पीडित तथा उनीहरूका परिवारप्रति समर्पित गरे ।

हाफ म्याराथनलाई नेपाली धावकहरुले आफ्नो मातृभूमिप्रतिको ऐक्यबद्धता, सहानुभूति र सहयोगको एक सशक्त माध्यमका रुपमा परिणत गरेका थिए । आजको म्याराथन केवल १३.१ माइल दौडिने विषय मात्र थिएन्, यो नेपालका लागि दौडिने दिन थियो ।

धेरै धावकहरूले गर्वका साथ आफ्नो दौडने भेस्टको पछाडि सहयोग संकलनसम्बन्धी ‘क्यूआर कोड’ टाँसेका थिए, जसले दौडको सुरुवातदेखि अन्त्यसम्म ऐक्यबद्धता, सहानुभूति र सहयोगको सन्देश प्रवाह गर्‍यो । त्यो क्यूआर कोडले अन्य धावक, दर्शक, साथीभाई तथा सर्वसाधारणलाई सहयोग संकलन अभियानमा योगदान पुर्‍याउन सहज भएको थियो ।

‘इलिङ हाफ म्याराथन’ को समन्वय र सहयोगमा फण्ड रेजिङ पेज तयार पार्न सघाउने ‘रेस नेशन’ टोलीप्रति धावकहरुले विशेष आभार व्यक्त गरेका छन् ।



साथै, दौडका क्रममा यस अभियानलाई सबैमाझ चिनाउन मद्दत पुर्‍याउने ‘रेस टाइमिङ सोलुसन्स’ लाई पनि धन्यवाद दिएका छन् जसले दौडका लागि आवश्यक ‘बिब्स’ उपलब्ध गराएको थियो ।

हाफ म्याराथन पूरा गर्न प्रत्येक धावकहरूले आ-आफ्नै रणनीति र व्यक्तिगत लक्ष्य राखेका थिए । कसैले आफ्नो व्यक्तिगत उत्कृष्ट समय कायम गर्ने लक्ष्य राखेका थिए भने कसैले केवल अन्तिम रेखा पार गर्नेमा ध्यान केन्द्रित गरेका थिए ।

त्यस्तै, कोही भने दौडको अनुभव लिन दौडिएका थिए । यद्यपि, ती सबै व्यक्तिगत लक्ष्यभन्दा माथि एउटा साझा र मुख्य उद्देश्य- बाढी पीडितलाई सघाउन जुटेका थिए । यो केवल सुरुवात मात्र भएको धावकहरुको भनाइ थियो ।

कोष संकलन अभियान ‘हाफ म्याराथन’ सकिएपनि अन्त्य नहुने नेपाल रन यूकेका संस्थापक सन्तोष राईले बताए ।

नेपाली धावकहरूले तोकिएको आर्थिक संकलनको लक्ष्य पूरा नभएसम्म आगामी दौड कार्यक्रमहरू (साप्ताहिक पार्क रन) आदिमा ‘फन्डरेजिङ बिब्स’ लगाइरहने राईले बताए ।

सहयोग गर्न चाहने तर अहिलेसम्म अवसर नपाएकाहरूलाई धावकहरूको ‘बिब’ वा कोष संकलनसम्बन्धी सामग्रीमा रहेको ‘क्यूआर कोड’ स्क्यान गरी सहयोग रकम प्रदान गर्न राईको अनुरोध छ ।

रकम जतिसुकै भए पनि हरेक योगदानले बाढीबाट प्रभावितहरूलाई सहयोग पुर्‍याउन सक्ने विश्वास छ । ‘हाफ म्याराथन पूरा गर्नु आफैंमा एउटा ठूलो उपलब्धि हो, तर कुनै पवित्र उद्देश्यका लागि दौडिनु अझ अर्थपूर्ण हुने रहेछ’, राईले भने, ‘हामी एकताबद्ध छौं। हामी एक-अर्कालाई साथ दिन्छौं । हामी फेरि उठ्नेछौं ।’

प्रतिक्रिया दिनुहोस्
अन्य समाचारहरु
: न्युजिल्यान्ड नेपाल चेम्बर अफ कमर्स (एनजेडएनसीसी) ले अकल्यान्डमा आफ्नो १०औं वार्षिकोत्सव मनाएको छ। ‘क्लाइम्बिङ न्यु हाइट्स’ अर्थात् ‘नयाँ उचाइतर्फको यात्रा’ भन्ने नाराका साथ आयोजित कार्यक्रममा नेपाल र न्युजिल्यान्डबीच सरकारी तह (जीटुजी) तथा निजी क्षेत्र (बीटुबी) मार्फत सहकार्यका सम्भावना अघि बढाउने विषयमा छलफल गरिएको छ। अकल्यान्ड सिटीस्थित अकल्यान्ड बिजनेस चेम्बरमा आयोजित कार्यक्रममा दुई देशबीच आर्थिक ...
। बेलायत अन्तर्राष्ट्रिय विद्यार्थीका लागि लोकप्रिय गन्तव्यहरूमध्ये एक मानिन्छ । तर, सरकारको कठोर अध्यागमन नीतिका कारण अहिले यहाँ आउने विदेशी विद्यार्थी क्रमशः घट्न थालेको तथ्यांकले देखाएका छन् । बेलायत पढ्न आउने नेपालीसहित अन्तर्राष्ट्रिय विद्यार्थीहरुको संख्यामा ठूलो गिरावट आएको छ । बेलायती गृह मन्त्रालय (होम अफिस) का अनुसार, यस वर्ष अक्टोबर २०२६ अन्त्यसम्म अध्ययन भिजा मुख्य आवेदक संख्या ...
। लन्डनमा शनिबार सम्पन्न प्रतिष्ठित ‘लर्ड मेयर शो’ परेडमा गोर्खाली विरासत र नेपाली कला, संस्कृति तथा परम्पराको विशेष प्रदर्शनी गरिएको छ। लन्डन सिटीका नयाँ लर्ड मेयरको नियुक्तिको अवसरमा आयोजित ऐतिहासिक परेडमा प्रतिभा नक्षत्रको संयोजनमा नेपाली समुदायले गोर्खाली इतिहास, वीरता र नेपालको सांस्कृतिक विविधता झल्काउने प्रस्तुति गरेको हो। करिब सात हजार जना सहभागी उक्त परेडको करिब तीन माइल ...
— बेलायतको रश्मूर क्षेत्रमा बसोबास गर्ने नेपाली समुदायले एकैदिन गोर्खाली सैनिकहरूको वीरताको स्मरण गर्दै देउसी–भैलो खेलेर तिहार मनाएका छन् । ग्रेटर रश्मूर नेपाली कम्युनिटी (जीआरएनसी) को आयोजनामा यस वर्ष पहिलोपटक उनीहरूले कुकुर तिहारसमेत मनाएका छन् । रश्मूर क्षेत्रको अल्डरसटस्थित प्रिन्सेस गार्डेनमा नोभेम्बर ७ मा रिमेम्बरेन्स डे (स्मृति दिवस) को औपचारिक कार्यक्रम आयोजना गरी वीर गोर्खालीको योगदान, ...
। अमेरिकाको भर्जिनिया राज्यमा ममता काफ्लेको हत्या प्रकरणमा उनका पति नरेश भट्ट दोषी ठहर भएका छन् । १० नोभेम्बर २०२६ मा जुरीले भट्टलाई प्रथम श्रेणीको हत्या, शव लुकाएको र शव विकृत बनाएको अभियोगमा दोषी ठहर गरेको अमेरिकी सञ्चारमाध्यमहरूले जनाएका छन् । सीएनएनका अनुसार भट्टले आफ्नी पत्नीको हत्या गरेको अभियोग अस्वीकार गर्दै आएकामा जुरीले उनको दाबी अस्वीकार ...