। रसुवाको भोटेकोशी नदीमा आएको बाढीबाट प्रभावित नागरिकहरूलाई मनोसामाजिक परामर्श उपलब्ध गराउन नेपाली कांग्रेसले जनशक्ति तयार गरेको छ ।
केन्द्रीय नीति, अनुसन्धान तथा प्रशिक्षण प्रतिष्ठान बुधबार उनीहरूलाई प्रशिक्षण दिएको छ ।
प्रशिक्षणमा सहभागीहरूले विपद्बाट विस्थापित भएका परिवार रहेका आश्रय स्थलमा पुगेर मनोसामाजिक परामर्श गर्ने बताइएको छ ।
प्रशिक्षणमा विभिन्न क्षेत्रका ४६ जना सहभागी रहेका थिए । प्रशिक्षणका क्रममा सहभागीहरूले बाढी प्रभावितहरूले भोगेका विभिन्न किसिमका मानसिक तनाव र समस्याहरू बारे छलफल भएको कार्यवाहक मुख्य सचिव कृष्णप्रसाद दुलालले जानकारी दिए ।
प्रशिक्षणमा डा. प्रभाकर पोखरेल, डा. रविन बस्नेत, मनोविद्हरू कपिल शर्मा, गृष्मा पनेरू र प्रकाश लामिछानेले सहजीकरण गरेका थिए ।
