: भोटेकोशीमा आएको बिनाशकारी बाढीका कारण उत्तरगया गाउँपालिकामा ८८९ जना बेपत्ता भएका छन्।
गाउँपालिकाले तयार गरेको पछिल्लो तथ्यांकअनुसार सबैभन्दा धेरै वडा नं १ मा ५७८ जना स्थानीय बेपत्ता भएका छन्। बेपत्ता भएका सबै स्थानीय बासिन्दा हुन्। यहाँ मैलुङ तथा धरै जलविद्युत आयोजना क्षेत्र पर्दछ। विद्युत आयोजनामा रहेका कामदार तथा अन्यको तथ्यांक भने एकीन भएर आउन सकेको छैन।
वडा नं २ मा ७५, ३ मा ३० जना बेपत्ता रहेका छन्। त्यसैगरी वडा नं ४ मा ४६ , ५ मा ११८ जना बेपत्ता भएका छन्। उत्तरगया गाउँपालिका शिक्षा शाखा प्रमुख बोधराज पाठकका अनुसार उत्तरगया गाउँपालिका भरी १२ जनाको मृत्यु भएको शव पहिचान भएको छ भने ८७७ जना बेपत्ता रहेका छन्।
यो तथ्यांक अझै पूर्ण भइसकेको छैन। घरधुरी तथा सम्पर्कविहीनको अझै थपिन सक्ने हुनाले तथ्यांक अद्यावधिक गर्न बाँकी रहेको गाउँपालिकाले जनाएको छ। गाउँपालिका भवन, विद्यालय, विद्युत आयोजना, पुल तथा धेरै भौतिक संरचना ध्वस्ता भएका छन्।
जिल्लाभर ४ हजार ६ जना अझै बेपत्ता रहेका छन् भने १७८ जनाको शव पहिचान भएको जिल्ला प्रशासन कार्यालयका सहायक प्रमुख जिल्ला अधिकारी द्रब अधिकारीले बताए।
