। अमेरिकाले बाढीबाट प्रभावित दुर्गम तथा कठिन भौगोलिक क्षेत्रमा अत्यावश्यक राहत सामग्री पुर्याउन सशस्त्र प्रहरी बललाई व्यावसायिक कार्गो ड्रोन सहयोग गरेको छ ।
अमेरिकामा निर्मित अमेरिकामा निर्मित ‘फ्रिफ्लाई अल्टा एक्स जेनटु’ ड्रोन सोमबार अमेरिकी दूतावासका उपप्रमुख नियोग प्रमुख स्कट अर्बोम, सार्वजनिक मामिला प्रमुख माइक हार्कर र क्षेत्रीय सुरक्षा अधिकृत विल भनले हस्तान्तरण गरे ।
सशस्त्र प्रहरीले ड्रोनको प्रयोग सडक तथा अन्य माध्यमबाट सहज रूपमा पुग्न नसकिने दुर्गम र बाढी प्रभावित क्षेत्रमा अत्यावश्यक सामग्री ढुवानी गर्न गर्नेछ।
यसअघि सेभेन समिट ट्रेक्सले आमादब्लममा उक्त ड्रोनको परीक्षण गरेको अमेरिकी दूतावासले जनाएको छ । उक्त ड्रोनले अक्सिजन सिलिन्डर र पर्वतारोहण सामग्री ढुवानी गरेको थियो ।
बाढी प्रभावित समुदाय तथा परिवारका लागि अमेरिकाले मानवीय, लजिस्टिक, फरेन्सिक, कन्सुलर तथा अन्य प्राविधिक सहयोगसमेत उपलब्ध गराउँदै आएको छ।
