। क्यासिनोमा नेपालीलाई प्रवेश गराई जुवा तास खेल्ने खेलाउने गरेको आरोपमा ११ जना पक्राउ परेका छन् ।
बूढानीलकण्ठ नगरपालिका–१ तौलुङस्थित गरुड क्यासिनोमा नेपालीलाई जुवा खेलाएको आरोपमा ११ जना पक्राउ परेका हुन् ।
पक्राउ पर्नेहरूमा रामेछापको गोकुलगंगा गाउँपालिका–६ का ३४ वर्षीय बिकी लामा, सोलुखुम्बुको माकालुङ गाउँपालिका–३ का ३९ वर्षीय नुवाङ शेर्पा, सोलुकै दूधकुण्ड नगरपालिका–९ का ३९ वर्षीय पासाङ शेर्पा, सिन्धुलीको गोलन्जोर गाउँपालिका–५ कि ३२ वर्षीया ज्योति मगर, दोलखाको बैतेश्वर गाउँपालिका–८ का ३५ वर्षीय नारायण खत्री छन् ।
त्यसैगरी काठमाडौंका ४४ वर्षीय दिल लामा, काभ्रको रोशी गाउँपालिका–१ का ४४ वर्षीय अशोक लामा, नुवाकोटको दुप्चेश्वर गाउँपालिका–३ का ३२ वर्षीय सञ्जय तामाङ, रामेछापको उमाकुण्ड गाउँपालिका–४ का ४० वर्षीय आशिष खड्का, ललितपुरका ४९ वर्षीय सविनमान श्रेष्ठ र धनकुटाको जोरपाटी गाउँपालिका–४ का ३० वर्षीय सुदीप अधिकारी छन् ।
उनीहरूलाई परिसर काठमाडौं र प्रहरी प्रभाग बूढानीलकण्ठको संयुक्त टोलीले मंगलबार दिउँसो पक्राउ गरेको हो ।
उनीहरूबाट १० लाख ८५ हजार ६ सय नगद, र केही क्वाइन बरामद भएको छ । पक्राउ परेकाहरूविरुद्ध जिल्ला प्रशासन कार्यालयबाट २ दिनको म्याद थप भएको छ ।
