मुख्य समाचार
संयुक्त अरब इमिरेट्स (यूएई) मा नेपाली समुदायका लागि पहिलोपटक ‘बिजनेस नेटवर्किङ’ कार्यक्रम आयोजना
संयुक्त अरब इमिरेट्स (यूएई) मा नेपाली समुदायका लागि पहिलोपटक ‘बिजनेस नेटवर्किङ’ कार्यक्रम आयोजना

। संयुक्त अरब इमिरेट्स (यूएई) मा नेपाली समुदायका लागि पहिलोपटक ‘बिजनेस नेटवर्किङ’ कार्यक्रम आयोजना गरिएको छ । फेडेरेसन अफ इन्टरनेसनल नेपालीज युथ इन्टरप्रेनर्स फोरम (एफआईएनवाईई) यूएई च्याप्टरले डीएनआईजी र एनपीएएफको सहकार्यमा कार्यक्रम आयोजना गरेको हो ।

नेपाली समुदायमा व्यवसाय गरिरहेका तथा व्यवसाय गर्न चाहने उद्यमीलाई एकै ठाउँमा भेला गराएर व्यवसाय विस्तार, सहकार्य र नेटवर्किङको अवसर सिर्जना गर्ने उद्देश्यले कार्यक्रम आयोजना गरिएको आयोजकले जनाएको छ ।

कार्यक्रममा यूएई राजपरिवारका निजी सल्लाहकार तथा उद्यमी याकुब अल अली प्रमुख अतिथिका रूपमा सहभागी भएका थिए । त्यस्तै भारतीय तथा नेपाली समुदायका व्यवसायिक क्षेत्रमा स्थापित व्यक्तित्वहरू हानी एम हनीफ, टीआर गणेश र विष्णु प्रसाद पुडासैनीलगायतको सहभागिता थियो।

कार्यक्रममा यूएईमा रहेका नेपाली व्यवसायी तथा उद्यमीसँगै अन्य देशबाट पुगेका नेपाली व्यवसायी नेताहरूको समेत सहभागिता थियो ।



कार्यक्रममा सहभागीहरूले नेपाली समुदायमा व्यवसायको सम्भावना, एकआपसमा सहकार्य, व्यावसायिक सम्बन्ध विस्तार तथा नयाँ व्यवसायिक अवसर सिर्जना गर्न नेटवर्किङको महत्त्वबारे छलफल गरेका थिए । सफल व्यवसायी तथा नेतृत्वकर्ताले आफ्ना अनुभवसमेत आदानप्रदान गरेका थिए ।

फोरम जीसीसीका क्षेत्रीय अध्यक्ष मनोज मरहट्टाका अनुसार यूएईमा नेपाली समुदायबीच पहिलोपटक यस प्रकारको व्यवसायिक नेटवर्किङ कार्यक्रम गरिएको हो । उनका अनुसार कार्यक्रमले नेपाली उद्यमी, व्यवसायी तथा व्यवसाय गर्न चाहने युवालाई एउटै प्लेटफर्ममा जोड्ने आधार तयार गरेको छ ।

उनले नेपाली व्यवसाय समुदायलाई अन्तर्राष्ट्रिय स्तरमा विस्तार गर्न नेटवर्किङ, सहकार्य र नयाँ सोच आवश्यक रहेको बताए । कार्यक्रमलाई फोरमको आगामी यात्राको सुरुवाती कदमका रूपमा लिइएको उनको भनाइ छ ।

कार्यक्रमको सफलताका लागि फोरम यूएईका अध्यक्ष सीए सन्तोष खनालसहित कार्यसमितिका पदाधिकारी तथा सदस्यहरूले महत्वपूर्ण भूमिका निर्वाह गरेको आयोजकले जनाएको छ ।

यूएईमा ३ हजारभन्दा बढी सदस्य रहेको व्यावसायिक तथा पेशागत समूह डीएनआईजी र ५०० भन्दा बढी यूएईमा आधारित चार्टर्ड एकाउन्टेन्ट आबद्ध रहेको एनपीएएफको सहकार्यले कार्यक्रमलाई थप प्रभावकारी बनाएको आयोजकको भनाइ छ ।

एफआईएनवाईईले नेपाली युवालाई उद्यमशीलतामा जोड्ने, व्यवसाय विस्तारका लागि आवश्यक नेटवर्क निर्माण गर्ने तथा नेपाल र विदेशमा रहेका नेपाली उद्यमीबीच सहकार्यको वातावरण बनाउने उद्देश्यले यस्ता कार्यक्रमलाई निरन्तरता दिने जनाएको छ ।

प्रतिक्रिया दिनुहोस्
अन्य समाचारहरु
: न्युजिल्यान्ड नेपाल चेम्बर अफ कमर्स (एनजेडएनसीसी) ले अकल्यान्डमा आफ्नो १०औं वार्षिकोत्सव मनाएको छ। ‘क्लाइम्बिङ न्यु हाइट्स’ अर्थात् ‘नयाँ उचाइतर्फको यात्रा’ भन्ने नाराका साथ आयोजित कार्यक्रममा नेपाल र न्युजिल्यान्डबीच सरकारी तह (जीटुजी) तथा निजी क्षेत्र (बीटुबी) मार्फत सहकार्यका सम्भावना अघि बढाउने विषयमा छलफल गरिएको छ। अकल्यान्ड सिटीस्थित अकल्यान्ड बिजनेस चेम्बरमा आयोजित कार्यक्रममा दुई देशबीच आर्थिक ...
। बेलायत अन्तर्राष्ट्रिय विद्यार्थीका लागि लोकप्रिय गन्तव्यहरूमध्ये एक मानिन्छ । तर, सरकारको कठोर अध्यागमन नीतिका कारण अहिले यहाँ आउने विदेशी विद्यार्थी क्रमशः घट्न थालेको तथ्यांकले देखाएका छन् । बेलायत पढ्न आउने नेपालीसहित अन्तर्राष्ट्रिय विद्यार्थीहरुको संख्यामा ठूलो गिरावट आएको छ । बेलायती गृह मन्त्रालय (होम अफिस) का अनुसार, यस वर्ष अक्टोबर २०२६ अन्त्यसम्म अध्ययन भिजा मुख्य आवेदक संख्या ...
। लन्डनमा शनिबार सम्पन्न प्रतिष्ठित ‘लर्ड मेयर शो’ परेडमा गोर्खाली विरासत र नेपाली कला, संस्कृति तथा परम्पराको विशेष प्रदर्शनी गरिएको छ। लन्डन सिटीका नयाँ लर्ड मेयरको नियुक्तिको अवसरमा आयोजित ऐतिहासिक परेडमा प्रतिभा नक्षत्रको संयोजनमा नेपाली समुदायले गोर्खाली इतिहास, वीरता र नेपालको सांस्कृतिक विविधता झल्काउने प्रस्तुति गरेको हो। करिब सात हजार जना सहभागी उक्त परेडको करिब तीन माइल ...
— बेलायतको रश्मूर क्षेत्रमा बसोबास गर्ने नेपाली समुदायले एकैदिन गोर्खाली सैनिकहरूको वीरताको स्मरण गर्दै देउसी–भैलो खेलेर तिहार मनाएका छन् । ग्रेटर रश्मूर नेपाली कम्युनिटी (जीआरएनसी) को आयोजनामा यस वर्ष पहिलोपटक उनीहरूले कुकुर तिहारसमेत मनाएका छन् । रश्मूर क्षेत्रको अल्डरसटस्थित प्रिन्सेस गार्डेनमा नोभेम्बर ७ मा रिमेम्बरेन्स डे (स्मृति दिवस) को औपचारिक कार्यक्रम आयोजना गरी वीर गोर्खालीको योगदान, ...
। अमेरिकाको भर्जिनिया राज्यमा ममता काफ्लेको हत्या प्रकरणमा उनका पति नरेश भट्ट दोषी ठहर भएका छन् । १० नोभेम्बर २०२६ मा जुरीले भट्टलाई प्रथम श्रेणीको हत्या, शव लुकाएको र शव विकृत बनाएको अभियोगमा दोषी ठहर गरेको अमेरिकी सञ्चारमाध्यमहरूले जनाएका छन् । सीएनएनका अनुसार भट्टले आफ्नी पत्नीको हत्या गरेको अभियोग अस्वीकार गर्दै आएकामा जुरीले उनको दाबी अस्वीकार ...