। सीबीएस न्यूजले एउटा विशेष रिपोर्ट प्रकाशित गर्दै अमेरिकाविरुद्धको युद्धमा इरानसँग जोडिएको एउटा समूहले अमेरिकी नौसेनालाई निशाना बनाउने प्रयास गरेको रिपोर्टमा उल्लेख छ।
उक्त समूहले नौसेनालाई निशाना बनाउन आर्टिफिसियल इन्टेलिजेन्स (एआई) को प्रयोग गरेको थियो।उनीहरूले यसका लागि अमेरिकामै विकसित एआईको प्रयोग गरेका थिए।
यो रिपोर्ट एन्थ्रोपिक नामको कम्पनीले गएको हप्ता सार्वजनिक गरेको थियो। एन्थ्रोपिकले उक्त समूहको पहिचान भने खुलाएको छैन। कम्पनीले सो समूहलाई “खतरा पैदा गर्ने संगठन” संज्ञा दिएको छ।
समूहले इन्टरनेटबाट सार्वजनिक जानकारी संकलन गर्न क्लाउड-बेस्ड एआईको प्रयोग गरेको थियो।उनीहरूले एआईको माध्यमबाट अमेरिकी नौसेनाको स्थिति पत्ता लगाउने काम गरेका थिए। उनीहरूले सम्भावित लक्ष्यहरूको बारेमा सुझाव लिन पनि एआईको प्रयोग गरेका थिए।
एन्थ्रोपिकले यो गतिविधिमा संलग्न एकाउन्टलाई ब्लक गरिदिएको छ।कम्पनीले यो खतरा रोक्न अमेरिकी सरकारलाई आवश्यक जानकारी उपलब्ध गराएको छ। विशेषज्ञहरूले यस्ता घटनाहरू अझ बढाउन सक्ने बताएका छन्।
अमेरिकाका विरोधीहरूले सैन्य अभियानलाई अघि बढाउन एआईको प्रयोग गरिरहेका छन्।एन्थ्रोपिकको निष्कर्ष इरानको रणनीतिक उद्देश्यसँग मिल्दो रहेको विशेषज्ञहरूले बताएका छन्। इरानले अमेरिका र इजरायलसँगको संघर्षमा प्रविधिको प्रयोग गर्दै आएको छ।
