। स्याङ्जाको चापाकोट नगरपालिका–८ माडीमा नहरमा डुबेर एक वृद्धको मृत्यु भएको छ । मृत्यु हुनेमा स्थानीय ८२ वर्षीय यमबहादुर महत क्षेत्री रहेको प्रहरीले जनाएको छ ।
बिहीबार साँझ छोरीको घरतर्फ जाने क्रममा ज्याग्दी खोलाको सिँचाइ शाखा नहरमा चिप्लिएर खसेका थिए । घरदेखि करिब ८०० मिटर टाढा रहेको नहरमा खसेका उनको डुबेर मृत्यु भएको प्रहरीले जनाएको छ ।
घटनाको सम्बन्धमा थप अनुसन्धान भइरहेको जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक रमेशदत्त अवस्थीले जानकारी दिए ।
