। यमनमा हुथी विद्रोहीको नियन्त्रणमा रहेका क्षेत्रहरूमा इन्धनको मूल्य करिब १० प्रतिशतले बढेको छ। इन्धनको मूल्य प्रति लिटर ४ हजार ७ सय ५० येमेनी रियालबाट बढेर ५ हजार २ सय ५० पुगेको छ।
हुथी स्वामित्वको येमेन पेट्रोलियम कम्पनीले विश्वव्यापी रूपमा इन्धनको मूल्य बढेकाले यो निर्णय लिनुपरेको जनाएको छ। यमनमा लडाइँ पुनः सुरु भएपछि सामान ओसारपसार गर्ने मार्गहरू लामो र जोखिमपूर्ण बनेका छन्।
स्थानीय व्यापारीहरूले गाडीहरूलाई गन्तव्यमा पुग्न पहिलेभन्दा दोब्बर समय लाग्न थालेको बताएका छन् । सामान ओसारपसार महँगो भएपछि त्यसको प्रत्यक्ष भार उपभोक्तामा परेको छ।
शोधकर्ताहरूका अनुसार यसको असर कृषि, यातायात र खानेपानीजस्ता अति आवश्यक क्षेत्रहरूमा पर्नेछ। यमनमा हाल १८ मिलियन मानिसहरू गम्भीर खाद्य असुरक्षाको सामना गरिरहेका छन्।
