: सप्तरीबाट करिब २० क्विन्टल गाँजाजस्तो देखिने पदार्थसहित दुईजना पक्राउ परेका छन्। सप्तरी डाक्नेश्वरी नगरपालिका -६ फतेपुर टोलमा भण्डारण गरी राखिएको अवस्थामा करिब २० क्विन्टल (२ हजार केजी) गाँजाजस्तो देखिने पदार्थ बरामद भएको हो ।
गोप्य सूचनाका आधारमा जिल्ला प्रहरी कार्यालय सप्तरीबाट खटिएको टोलीले भोला सदा र मंगल मुखियाको घरमा खानतलासी गरेको थियो ।
सो क्रममा भोला सदाको घरबाट ५६ पोका र मंगल मुखियाको घरबाट ८ पोका गरी जम्मा ६४ पोका,अन्दाजी २ हजार केजी (२० क्विन्टल) गाँजाजस्तो देखिने पदार्थ बरामद गरिएको हो ।
बरामद पदार्थसहित दुवै जनालाई नियन्त्रणमा लिई जिल्ला प्रहरी कार्यालय सप्तरीमा ल्याई राखिएको छ । घटनाबारे थप अनुसन्धान भइरहेको छ ।
