: त्रिपुरेश्वरमा बसमा आगलागी हुँदा चालक घाइते भएका छन्। त्रिपुरेश्वरस्थित राहदानी विभागको नजिकै सडकमा रिद्धिसिद्धी यातायातको बसमा आगलागी हुँदा २५ वर्षीय चालक दावा लामा घाइते भएका हुन्।
काठमाडौं उपत्यका ट्राफिक प्रहरी कार्यालयका सूचना अधिकारी नरेशराज सुवेदीका अनुसार घाइते लामालाई उपचारका लागि कीर्तिपुरस्थित बर्न अस्पताल पठाइएको छ।
उनका अनुसार अहिले बसमा लागेको आगो नियन्त्रणमा लिइसकिएको र ट्राफिक व्यवस्थापनको काम भइरहेको छ। आगलागीको घटनाबारे प्रहरीले अनुसन्धान गरिरहेको उनको भनाइ छ।
