। पाँचथरमा इन्सास राइफलको गोली, बारुद र खुकुरीसहित एक जना पक्राउ परेका छन् ।
पाँचथरको कुम्मायक गाउँपालिका–१ यासोक बजारमा धारिलो हतियार देखाएर धाकधम्की दिइरहेको सूचना पाएपछि गएको प्रहरी टोलीले ती व्यक्तिलाई पक्राउ गरेको हो ।
पक्राउ पर्नेमा पाँचथरकै फिदिम नगरपालिका–६ बस्ने सुसन तुम्रोक रहेको पाँचथर प्रहरीले जनाएको छ ।
पक्राउपछि उनको शरीरमा खानतलासी गर्दा दुई थान खुकुरी इन्सास राइफलको लाइभ राउन्ड थान एक र बारुद जस्तो देखिने पदार्थ २७.७१ ग्राम फेला परेको प्रहरीले जनाएको छ ।
उनलाई खरखजाना तथा बिष्फोटक पदार्थ कसुरमा पाँच दिन म्याद थप भएर अनुसन्धान भइरहेको प्रहरी निरीक्षक रामचन्द्र साहले जानकारी दिएका छन् ।
