संयुक्त राष्ट्रसंघको महासभाको अवसरमा इरान र युक्रेनका विदेशमन्त्रीबीच भेटवार्ता भएको छ । इरानी सरकारी सञ्चारमाध्यमका अनुसार इरानका विदेशमन्त्री अब्बास अराघची र युक्रेनका विदेशमन्त्री आन्द्रेई सिबिहाबीच न्यूयोर्कमा भेटवार्ता भएको हो ।
गत जुलाईमा क्यास्पियन सागरमा रहेको इरानी व्यावसायिक पानीजहाजमाथि युक्रेनले हमला गरेपछि दुवै देशबीच तनाव बढेको थियो । त्यसयता दुई विदेशमन्त्रीबीच भएको यो पहिलो भेटवार्ता हो ।
इरानको विदेश मन्त्रालयका अनुसार भेटवार्तामा उक्त घटनासँग सम्बन्धित विषय समाधान गर्ने उपायबारे दुवै पक्षले छलफल गरेका छन् ।
