। जापानमा जारी २०औं एसियाली खेलकुदअन्तर्गत ब्याडमिन्टनको मिक्तस डबल्समा नेपालका दुवै जोडी पहिलो चरणबाटै बाहिरिएका छन् ।
इचिनोमिया सिटी म्युनिसिपल जिम्नेसियममा शुक्रबार भएको खेलमा प्रफुल महर्जन र रशिला महर्जनको जोडी चाइनिज ताइपेइका ये होङ–वेई र चान निकोल गोन्जालेससँग २–० को सोझो सेटमा पराजित भयो ।
नेपाली जोडीले पहिलो सेट १४–२१ र दोस्रो सेट ९–२१ ले गुमायो ।
यस्तै, अर्को खेलमा क्षितिज खनाल र रिहाना शेर्चनको जोडी दक्षिण कोरियाका जेओङ नाएउन र जो सोङ ह्युनसँग २–० ले पराजित भयो ।
दक्षिण कोरियाली जोडीले खेल २१–५ र २१–६ ले आफ्नो पक्षमा पार्दै अर्को चरणमा स्थान बनायो ।
यससँगै ब्याडमिन्टनको मिक्स डबल्समा नेपालका दुवै जोडी पहिलो चरणबाटै बाहिरिएका छन् ।
