। भारतीय टोली एसियन गेम्स पुरुष क्रिकेटको फाइनलमा प्रवेश गरेको छ ।
बिहीबार भएको सेमिफाइनलमा श्रीलंकालाई ४५ रनमै अलआउट गरेर फराकिलो जित निकाल्दै भारतले पाकिस्तानसँगको स्वर्ण भिडन्त पक्का गरेको हो ।
भारतले दिएको १७० रनको लक्ष्य पछ्याएको श्रीलंका ९.५ ओभरमा ४५ रनमै अलआउट भएको हो । नुवानिदु फर्नान्डोले सर्वाधिक १५ रन बनाए । अन्यले दोहोरो अंकमा रन बनाउनै सकेनन् ।
भारतका जसप्रित बुमराह, अक्षर पटेल र अभिषेक शर्माले २-२ विकेट लिँदा वासिङ्टन सुन्दरले १ विकेट लिए । तीन ब्याटर रनआउट भए ।
त्यसअघि टस हारेर पहिले ब्याटिङको निम्तो पाएको भारतले २० ओभरमा ७ विकेट गुमाएर १६९ रन बनाएको थियो ।
इशान किशनले ४६ बलमा ४ चौका र ५ छक्कासहित सर्वाधिक ८० रन बनाएर नटआउट रहे । वैभव सूर्यवंशीले ३८ रन बनाए ।
श्रीलंकाका थरिन्दु रत्नायके र सहान अराचिगेले २-२ विकेट लिँदा वनुजा सहान, लसिथ क्रसपुल र नुवानिदु फर्नान्डोले १-१ विकेट लिए ।
भारत र पाकिस्तानबीचको स्वर्ण पदक भिडन्त शनिबार हुनेछ । सोही दिन बंगलादेश र श्रीलंका कांस्य पदकका लागि खेल्ने छन् ।
