: अरिङ्गलले चिल्दा गोरखामा एक जनाको मृत्यु भएको छ। शहीद लखन गाउँपालिका–६ घैरुङ बाँसकोटमा अरिङ्गलको गोलो पोल्न लाग्दा माउले टोकेर हेटौँडा उपमहानगरपालिका–१७, पुवाले, मकवानपुरका ४८ वर्षीय कुमार चेपाङ (प्रजा) को मृत्यु भएको प्रहरीले जनाएको छ।
बिहीबार राति साढे १० बजेतिर करिब ३० वटा अरिङ्गलले चिलेपछि उनलाई उपचारका लागि प्रदेश अस्पताल गोरखा ल्याइएको थियो। थप उपचारका लागि भरतपुर अस्पताल लगिएकामा गएराति साढे १० बजे त्यहीँ मृत्यु भएको डिएसपी राजकुमार श्रेष्ठले जानकारी दिए।
