: राष्ट्रिय स्वतन्त्र पार्टी (रास्वपा)ले देशभर ‘हामी आउँदै छौं’ अभियान सञ्चालन गर्ने भएको छ।
शनिबार बसेको केन्द्रीय समिति बैठकका निर्णयहरु सुनाउँदै पार्टीका प्रवक्ता जगदीश खरेलले असोज २० गतेदेखि ‘हामी आउँदै छौं’ अभियान सञ्चालन गरिने जानकारी दिएका छन्। संगठन विस्तार तथा जनतासँगको पहुँचलाई थप सुदृढ बनाउने उद्देश्यले अभियान सञ्चालन गर्न लागिएको उनको भनाइ छ। अभियानलाई सशक्त रूपमा सञ्चालन गर्न पार्टीका सांसद र केन्द्रीय सदस्यहरुलाई विभिन्न जिल्लाको जिम्मेवारी तोकिएको छ।
रास्वपाले सांसद र केन्द्रीय सदस्यलाई जिम्मेवारी तोकिएका जिल्लाको विस्तृत तालिकासमेत तयार गरेको छ।
