: दशैँ, तिहार लगायतका चाडपर्वलाई लक्षित गर्दै काठमाडौँ उपत्यकाका विभिन्न ६ स्थानबाट खाना पकाउने ग्यास बिक्री गरिने भएको छ।
नेपाल एलपी ग्यास उद्योग संघले शुक्रबार सूचना जारी गर्दै असोज २५ गतेदेखि ३१ गतेसम्म नेपाल आयल निगमको समन्वय र ग्यास बिक्रेता महासंघको सहकार्यमा बिहान ९:३० देखि साँझ ४:३० बजेसम्म ग्यास बिक्री गरिने जानकारी दिएको छ।
संघका अनुसार सिफलचौरबाट एभरेस्ट र सुगम, पेप्सीकोलाबाट सगर, बालाजुबाट नेपाल, एचपी, गीता, राजधानी र त्रिवेणी, सुकेधाराबाट बाबा र श्री, कलङ्कीबाट साईबाबा र श्रीकृष्ण तथा हरिसिद्धिबाट श्रीराम ग्यासको बिक्री गरिनेछ।
यी स्थानहरूबाट सिलिन्डर साटफेर पनि गर्न सकिने संघले जनाएको छ।
