। नेपाली कांग्रेसको देउवा समूहद्वारा गठित ‘१५औं महाधिवेशन आयोजक समिति’का संयोजक डा. शशांक कोइरालाले आफूलाई लागेको विश्वासमा अडिग रहन सक्नु नै राजनीतिको मुख्य आधार भएको बताएका छन् ।
शनिबार काठमाडौं क्षेत्र नम्बर ४ मा आयोजित समूहको क्षेत्रीय अधिवेशन उद्घाटन गर्दै उनले राजनीतिमा सत्यमा रहेर मात्र नहुने भन्दै सत्यमा रहँदा आउने मूल्य चुकाउन तयार हुनुपर्ने बताए ।
राजनीति सत्ताको भोग गर्न नभई जनताको सेवाका लागि भएको नेता कोइरालाको भनाइ थियो । उनले सत्ताको दुरूपयोग गर्नेले राजनीतिमा आउन नहुने पनि बताए ।
पूर्वमहामन्त्री कोइरालाले मूल्य–मान्यता, विधि–पद्दतिको राजनीति पछि पर्दै सत्ता शक्ति र पैसा राजनीतिमा हाबी हुँदा चुनावहरू महङ्गो बन्दै गएको बताए ।
