: हुम्लामा जडीबुटी संकलन गर्न गएका एक युवकको भीरबाट लडेर मृत्यु भएको छ । सिमकोट गाउँपालिका–२ ठेहे गाउँको पेङफेकका अन्दाजी ३२ वर्षीय रुपसिंह बोहराको भिरबाट लडेर मृत्यु भएको निजका आफन्त जमन बोहोराले जानकारी दिए।
उनका अनुसार शनिबार दिउँसो गाउँबाट करिब चार घण्टाको पैदल दूरीमा रहेको प्याल्या वनमा जडिबुटी संकलन गर्न गएका बोहरा शनिबार रातिसम्म पनि बासस्थानमा नफर्किएपछि उनको खोजी गरिएको थियो। खोजिका क्रममा मृत्यु अवस्थामा फेला परेको आफन्त बोहराले बताए।
जिल्ला प्रहरी कार्यालय हुम्लाका प्रवक्ता चन्द्रबहादुर सिंहले मृतकको शव आवश्यक कानुनी प्रक्रिया पूरा गरी मुचुल्का उठाएर पोस्टमार्टमका लागि जिल्ला अस्पताल सिमकोट ल्याउने तयारी गरिएको बताए।
मृतक बोहराका श्रीमती,एक छोरा र दुई छोरी छन् ।
