। महान्यायाधीवक्ता कार्यालयले विभिन्न कसुरमा मुछिएका र सुधारगृहमा रहेका बालबालिकालाई उचित व्यवहार गर्न भन्दै सरकारी वकिलहरुलाई १५ बुँदे निर्देशन जारी गरेको छ ।
महान्यायाधीवक्ता कार्यालयले विभिन्न जिल्ला सरकारी वकिलको कार्यालय र प्रहरी मार्फत परिपत्र जारी गरेको हो । उसले उनीहरूलाई पक्राउ गर्दा सादा पोसाकका प्रहरी प्रयोग गर्न, नेल र हतकडी नलगाउन अनि परिवार र संरक्षकलाई तत्काल खबर गर्न निर्देशन दिएको हो ।
साथै, सानातिना कसुरमा बालबालिकालाई थुनामा नराखी हाजिरी जमानीमा छाड्न निर्देशन दिएको छ । बालबालिकालाई थुनामा राख्नुपरेमा छुट्टै कक्ष बनाउन, अलग शौचालयको प्रयोग गर्न र तालिमप्राप्त कर्मचारीहरुको प्रयोग गर्नु भनेको छ ।
उसले बालबालिकालाई अभद्र व्यवहार जस्ता प्रशासनिक प्रकृतिका मुद्दा खडा गरी प्रमुख जिल्ला अधिकारी वा प्रशासनिक अधिकारीहरुसमक्ष पेस गर्ने परिपाटी रोक्न भनेको छ ।
