नेपाल प्रहरीको ७१ औं स्थापना दिवसको अवसरमा मधेश प्रदेश प्रहरी कार्यालयले उत्कृष्ट काम गर्ने १५ जना प्रहरी कर्मचारी सम्मान

। नेपाल प्रहरीको ७१ औं स्थापना दिवसको अवसरमा मधेश प्रदेश प्रहरी कार्यालयले उत्कृष्ट काम गर्ने १५ जना प्रहरी कर्मचारी सम्मान गरेको छ ।

जिल्ला प्रहरी कार्यालय महोत्तरीको अनुसन्धान शाखामा कार्यरत प्रहरी निरीक्षक विश्वम्भरनाथ साहलाई मधेश प्रदेश प्रहरी अन्तर्गतको ‘सर्वोत्कृष्ट प्रहरी’ सम्मान प्रदान गरिएको छ ।

यस्तै जिल्ला प्रहरी कार्यालय धनुषा, शान्ति सुरक्षा तथा प्रहरी कार्य शाखामा कार्यरत प्रहरी निरीक्षक अरविन्दकुमार साहलाई मधेश प्रदेश अन्तर्गतकै उत्कृष्ट अनुसन्धान कर्ताको सम्मान प्रदान गरिएको छ ।

यस्तै रौतहटको इलाका प्रहरी कार्यालय, मौलापुरका प्रहरी निरीक्षक भरत के.सी., मधेश प्रदेश प्रहरी कार्यालय, जनकपुरधाम, धनुषा, सूचना प्रविधि शाखाका प्राविधिक प्रहरी निरीक्षक नरेशकुमार साह , मधेश प्रदेश प्रहरी कार्यालय, जनकपुरधाम, धनुषा, तालिम शाखाका प्रहरी निरीक्षक बबिन्द्र नेवाङलाई समेत उत्कृष्ट प्रहरीको सम्मान प्रदान गरिएको छ ।

यस्तै जिल्ला प्रहरी कार्यालय बारा, अपराध नियन्त्रण तथा अनुसन्धान शाखामा रही हाल मधेश प्रदेश प्रहरी कार्यालय, जनकपुरधाम, धनुषामा कार्यरत प्रहरी नायव निरीक्षक रामजी घिमिरे, इलाका प्रहरी कार्यालय, गंगापिपरा, रौतहटमा कार्यरत प्रहरी सहायक निरीक्षक नन्दकला कुमारी टमटा, मधेश प्रदेश प्रहरी गण, जनकपुरमा कार्यरत प्रहरी नायव निरीक्षक इन्द्रकुमार यादव, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय, पथलैया, बारामा कार्यरत प्रहरी वरिष्ठ हवल्दार गणेशबहादुर खड्कालाई समेत उत्कृष्ट कार्य सम्पादन सम्मान प्रदान गरिएको हो ।

मधेश प्रदेश प्रहरी कार्यालयमा कार्यरत प्रहरी वरिष्ठ हवल्दारहरु झुकेन्द्रकुमार श्रेष्ठ, टिकाराम महतो, मधेश प्रदेश प्रहरी गण जनकपुरमा कार्यरत प्रहरी बरिस्ठ हवल्दार दिलीपकुमार कपारी, प्रहरी हवल्दार विजयकुमार राय, मधेश प्रदेश प्रहरी कार्यालय, जनकपुरधाम, धनुषामा कार्यरत प्रहरी जवान दीप नारायण साह र मधेश प्रदेश प्रहरी कार्यालय, प्रहरी नायब महानिरीक्षकको सचिवालयमा कार्यरत प्रहरी कार्यालय सहयोगीलाई समेत उत्कृष्ट कार्यसम्पादनको सम्मान प्रदान गरिएको छ ।

उनीहरुलाई समारोहका प्रमुख अतिथि मधेश प्रदेश सरकारका मुख्यमन्त्री कृष्णप्रसाद यादव, विशिष्ट अतिथि गृहसञ्चार तथा कानुन मन्त्री फकिरा महतो र कार्यक्रमको अध्यक्षता ग्रहण गरेका मधेश प्रदेश प्रहरी कार्यालयका प्रहरी प्रमुख डीआइजी ओम प्रकाश अधिकारीले सम्मान गरेका थिए ।

प्रतिक्रिया दिनुहोस्

अन्य समाचारहरु

कांग्रेसको १५औँ महाधिवेशनबाट २३१ जना निर्वाचित

। नेपाली कांग्रेसको १५औँ महाधिवेशनको मतगणना सकिएको छ । १८ असोजबाट काठमाडौंमा सुरु भएको महाधिवेशनअन्तर्गत २३ गते रातिबाट मतगणना सुरु भएको थियो । गणना सुरु भएको सात दिनमा २३१ जना निर्वाचित भएको परिणाम सार्वजनिक भएको हो । संशोधित विधानअनुसार कांग्रेसको केन्द्रीय समिति २९७ सदस्यीय हुनेछ । जसमध्ये २३१ जना निर्वाचित हुने र बाँकी ६६ जनालाई सभापतिले ...

काठमाडौंबाट ओखलढुंगा गइरहेको यात्रु बाहक बस सिन्धुलीको खुर्कोटमा दुर्घटना

। काठमाडौंबाट ओखलढुंगा गइरहेको यात्रु बाहक बस सिन्धुलीको खुर्कोटमा दुर्घटनामा परेको छ । सिन्धुली गोलोञ्जोर गा.पा.–७ ट्रायल सेन्टर अगाडि उक्त बस दुर्घटनामा परेको हो । दुर्घटनामा परेर ९ जना यात्रु सामान्य घाइते भएको प्रहरीले जनाएको छ । प्रहरीका अनुसार, खाना खाएर यात्रुहरू चढाउने क्रममा बा.प्र.०३–००१ ख.२७७४ नं.को गाडी ब्याक गर्दा दुर्घटना भएको थियो । पछाडीको चक्का अचानक नालामा ...

गृहमन्त्री सुधन गुरुङले राज्यका संवेदनशील सूचना चुहाउनेलाई उन्मुक्ति नदिइने स्पष्ट पारे

। गृहमन्त्री सुधन गुरुङले राज्यका संवेदनशील सूचना चुहाउनेलाई उन्मुक्ति नदिइने स्पष्ट पारेका छन् । ७१औँ प्रहरी दिवसको अवसरमा शुक्रबार काठमाडौंमा आयोजित कार्यक्रममा मन्त्री गुरुङले राज्यका संवेदनशील सूचना चुहाउनेलाई उन्मुक्ति नदिइने बताएका हुन् । उनले सूचनाको संरक्षण र गोपनीयता कायम राख्न जिम्मेवार बन्न निर्देशन पनि दिए । नेपाल प्रहरीलाई सक्षम, व्यावसायिक र आधुनिक बनाउन कानुनमा सुधारको तयारी भइरहेको ...

नेपाल प्रहरीलाई प्रविधिमैत्री र समयानुकूल बनाउन कृत्रिम बौद्धिकता, ड्रोन तथा एन्टि–ड्रोन प्रविधि र ठगी नियन्त्रणका लागि नयाँ संरचना विकास गर्ने योजना

। नेपाल प्रहरीलाई प्रविधिमैत्री र समयानुकूल बनाउन कृत्रिम बौद्धिकता, ड्रोन तथा एन्टि–ड्रोन प्रविधि र ठगी नियन्त्रणका लागि नयाँ संरचना विकास गर्ने योजना अघि बढाइएको प्रहरी महानिरीक्षक दानबहादुर कार्कीले बताएका छन् । शुक्रबार ७१औँ प्रहरी दिवसका अवसरमा बोल्दै कार्कीले अपराध अनुसन्धान र प्रहरी सेवाको प्रभावकारिता बढाउन आधुनिक प्रविधिको प्रयोग विस्तार गरिने बताए । उनका अनुसार एआई तथा एड्भान्स्ड ...

सरकारले चिकित्सा शिक्षाका विभिन्न शैक्षिक कार्यक्रमतर्फ ४१८ सिट थप गरेको छ

। सरकारले चिकित्सा शिक्षाका विभिन्न शैक्षिक कार्यक्रमतर्फ ४१८ सिट थप गरेको छ । चिकित्सा शिक्षा आयोगको २८औँ बैठकले एमबीबीएस, बीएस्सी नर्सिङ र बीएमएसलगायतका शैक्षिक कार्यक्रममा गत वर्षको तुलनामा ४१८ सिट वृद्धि गर्ने निर्णय गरेको हो । प्रधानमन्त्री बालेन शाहको अध्यक्षतामा बसेको बैठकले शैक्षिक सत्र २०८३/८४ का लागि ८४ वटा शिक्षण संस्थामा विभिन्न तह र विषयका गरी ...