: नेपाल क्रिकेट सङ्घ (क्यान)ले नेपाल प्रिमियर लिग (एनपीएल)ले अन्तर्राष्ट्रिय क्रिकेट परिषद (आईसीसी)बाट आधिकारिक मान्यता पाएसँगै नेपाली क्रिकेटको विश्वसनीयता अन्तर्राष्ट्रिय स्तरमा पुगेको जनाएको छ।
शनिबार टीयु क्रिकेट मैदानमा आयोजित पत्रकार सम्मेलनमा क्यानका सचिव पारस खड्काले नेपाल प्रिमियर लिग (एनपीएल)लाई फरक र नयाँ डाइनामिक्सका साथ प्रस्तुत गरिने बताएका छन्। एनपीएलमा आईसीसीको एन्टी–करप्सन कोडलाई पूर्ण रूपमा लागू गरिने उनले बताए।। सचिव खड्काले स्पट फिक्सिङ, म्याच फिक्सिङ तथा अन्य नियम उल्लङ्घनका विषयमा आईसीसीको अन्तर्राष्ट्रिय कानुन तथा नियमअनुसार नियामक निकायमार्फत कारबाही हुने व्यवस्था गरिएको जानकारी दिए।
एनपीएलमा प्रत्येक टोलीमा कम्तीमा ७ जना नेपाली खेलाडी अनिवार्य हुनुपर्ने र अधिकतम ८ जनासम्म विदेशी खेलाडी राख्न पाउने प्रावधान रहेको क्यानले जनाएको छ।
क्यान सचिव खड्काले आगामी नोभेम्बर १९ देखि २१ सम्म नेपालमा आईसीसी एसिया कन्फरेन्स आयोजना हुने जानकारीसमेत दिए। उक्त सम्मेलनमा एसियाली राष्ट्रका प्रतिनिधिहरू सहभागी भई नेपाल प्रिमियर लिग र नेपाली क्रिकेटको विकासबारे छलफल हुने बताए।
