। युईएफए च्याम्पियन्स लिग फुटबल अन्तर्गत गएराति भएको लिग चरणको खेलमा पेरिस सेन्ट जर्मेन (पीएसजी) ले बार्सिलोनामाथि जित हासिल गरेको छ ।
मंगलबार राति घरेलु मैदानमा भएको खेलमा फ्रेन्च क्लब पीएसजीले स्पेनिस च्याम्पियनमाथि ४-२ को जित हासिल गरेको हो ।
पीएसजीले पहिलो हाफमा एक गोल गरेको थियो। ३८औं मिनेटमा डिजायर डुएले जोआओ नेभेसको पासमा गोल गर्दै टोलीलाई अग्रता दिलाएका थिए।
दोस्रो हाफमा बार्सिलोनाले खेलमा फर्कने प्रयास गर्दै ५५औं मिनेटमा जाभी एस्पार्टको गोलमार्फत बराबरी गरेको थियो। तर ७२औं मिनेटमा लुकास हर्नान्डेजले गोल गर्दै पीएसजीलाई फेरि अग्रता दिलाए।
७९औं मिनेटमा लामिन यामालले गोल गर्दै बार्सिलोनालाई पुनः बराबरीमा ल्याए पनि पीएसजीले त्यसपछि लगातार दुई गोल गर्यो। ८१औं मिनेटमा भिटिन्हा र ८६औं मिनेटमा फाबियन रुइजले गोल गरेपछि पीएसजीले ४–२ को जित पक्का गरेको हो।
यस जितसँगै पीएसजीले च्याम्पियन्स लिगको लिग चरणमा महत्वपूर्ण तीन अंक जोडेको छ। ३ खेलबाट ९ अंकसहित पीएसजी शीर्षस्थानमा रहेको छ ।
