। यूईएफए च्याम्पियन्स लिगअन्तर्गत गएराति भएको खेलमा इटालियन क्लब कोमोले इंग्लिस क्लब म्यानचेस्टर युनाइटेडलाई ४–१ गोलले हराएको छ।
बुधबार राति घरेलु मैदानमा भएको खेलमा कोमोले पहिलो हाफमा १–० को अग्रता लिएको थियो। निको पाजले दोस्रो मिनेटमै गोल गर्दै कोमोलाई अघि बढाएका थिए।
दोस्रो हाफमा कोमोले थप तीन गोल गर्यो। टासोस डुभिकासले ४९औं मिनेटमा गोल गरे भने पाजले ५७औं मिनेटमा व्यक्तिगत दोस्रो गोल गरे।
जाकोबो रामोनले ७६औं मिनेटमा कोमोका लागि चौथो गोल थपे।
म्यानचेस्टर युनाइटेडका जोसुआ जर्क्जीले इन्जुरी समयको पहिलो मिनेटमा गरेको गोल सान्त्वना बन्यो।
जितपछि कोमो ३ खेलमा ६ अंक जोडेर नवौं स्थानमा उक्लिएको छ । युनाइटेड भने ३ खेलबाट ३ अंक जोडेर २०औं स्थानमा छ ।
