: एकदिवसीय अन्तर्राष्ट्रिय (ओडीआई) सिरिजअन्तर्गत रोमाञ्चक खेलमा श्रीलंकाले इंग्ल्याण्डलाई २ विकेटले पराजित गरेको छ । रावलपिण्डी क्रिकेट स्टेडियममा इंग्ल्याण्डले दिएको ४३० रनको विशाल लक्ष्य श्रीलंकाले एक बल बाँकी छँदै ८ विकेट गुमाएर पूरा गरेको हो ।
पहिले ब्याटिङ गरेको इंग्ल्याण्डले निर्धारित ५० ओभरमा ४ विकेट गुमाएर ४२९ रन बनाएको थियो । इंग्ल्याण्डका कप्तान ह्यारी ब्रुकले अविजित २०२ रनको शानदार पारी खेले । जो रुटले ६९ रन बनाउँदा टम बान्टनले ५० रनको योगदान दिए ।
४३० रनको लक्ष्य पछ्याएको श्रीलंकाले आक्रामक ब्याटिङ गर्दै इंग्ल्याण्डलाई कडा चुनौती दिएको थियो । श्रीलंकाका पवन रथनायकेले १३० रनको उत्कृष्ट पारी खेले भने दासुन सनका र अविष्का फर्नान्डोले ९७-९७ रन बनाए । त्यस्तै, जनिथ लियानागेले ६१ रनको योगदान दिए ।
अन्तिम ओभरसम्म रोमाञ्चक बनेको खेलमा श्रीलंकाले ४९.५ ओभरमा ४३० रन बनाउँदै जित सुनिश्चित गरेको हो । विशाल लक्ष्यका बाबजुद श्रीलंकाले धैर्य र आक्रामक ब्याटिङको संयोजन गर्दै जित निकालेको हो । इंग्ल्याण्डका कप्तान ब्रुकले ११६ बलमै कृतिमानि दोहोरो शतक बनाए पनि टोलीलाई जित दिलाउन सकेनन् ।
