: गत भदौ १० गते आएको भोटेकोशी बाढीग्रस्त नुवाकोटका विभिन्न क्षेत्रको विभिन्न कूटनीतिक तहका उच्च अधिकारीसहितको टोलीले स्थलगत निरीक्षण गरेको छ।
नुवाकोटको विदुर नगरपालिकाका विभिन्न स्थानको संयुक्त राष्ट्रसंघका उपमहासचिव तथा संयुक्त राष्ट्रसंघीय परियोजना सेवा कार्यालयका जोर्ज म्यानुएल लोपेस मोरेइरा दा सिल्भालगायतको टोलीले स्थलगत निरीक्षण गरेको हो। टोलीले बाढी प्रभावित क्षेत्रको अवलोकन गर्दै पीडितहरूको पुनर्स्थापनाको आवश्यकता औंल्याएको छ।
उक्त टोलीले बाढी प्रभावितहरूको पछिल्लो अवस्था, राहतको उपलब्धता र प्रभावितलाई बसोबासको प्रबन्धसहित पुनरुत्थानका सम्बन्धमा विदुर नगरपालिकाका मेयर राजन श्रेष्ठसँग भेट गरेर जानकारीसमेत लिएको छ। मेयर श्रेष्ठले बाढीले पारेको प्रभावको वस्तुस्थितिबारे जानकारी गराएका छन्। टोलीलाई प्रमुख जिल्ला अधिकारी शम्भुप्रसाद रेग्मी, विदुर नगरपालिकाकी उपमेयर प्रभा बोगटी तथा विभिन्न वडाका वडाध्यक्षहरूले बाढीले पारेको प्रभावका सम्बन्धमा जानकारी गराएका थिए।
टोलीले बाढी प्रभावित नुवाकोटको ढुङ्गे, त्रिशूली, देवीघाट, बेत्रावतीगायतका स्थानहरूको अवस्थाबारे जानकारी लिएको हो।
