: सर्लाहीमा यात्रुवाहक ईभी गाडी र ट्रक एकआपसमा ठोक्किँदा १२ जना घाइते भएका छन्। ईश्वरपुर नगरपालिका–१२ स्थित पूर्व–पश्चिम राजमार्गमा ईभी गाडी र साबुन बनाउन प्रयोग हुने केमिकल बोकेको ट्रक एक आपसमा ठोक्किएर दुर्घटना भएको प्रहरीले जनाएको छ।
पश्चिमबाट पूर्वतर्फ जाँदै गरेको म.प्र.०४–००१ ज ००५७ नम्बरको ईभी गाडी विपरीत दिशाबाट आउँदै गरेको प्र.१–०२–००२ ख १३२४ नम्बरको ट्रकमा ठोक्किएको हो।
घाइते सबैको अवस्था सामान्य रहेको छ। ट्रक चालक मोरङको बूढीगंगा गाउँपालिका–४, क्याम्पसचोकका विष्णुप्रसाद चौलागाईंलाई नियन्त्रणमा लिई इलाका प्रहरी कार्यालय केशरगञ्ज पठाइएको छ।
