: फ्रान्समा शनिबार भएका प्रदर्शनमा चार लाखभन्दा बढी मानिस सहभागी भएको त्यहाँको आन्तरिक मन्त्रालयले जनाएको छ ।
मन्त्रालयका अनुसार देशभर करिब चार लाख १० हजार मानिस सडकमा उत्रिएका थिए । तीमध्ये करिब एक लाख १० हजार जना राजधानी पेरिसमा सहभागी भएका थिए । यो संख्या गत सप्ताहान्त पेरिसमा भएको प्रदर्शनमा सहभागी हुनेको हाराहारीमा रहेको मन्त्रालयले जनाएको छ ।
तर, प्रमुख विद्यार्थी संगठन L’Union Étudiante ले शनिबारको प्रदर्शनमा सहभागी हुनेको संख्या सरकारी आँकडाभन्दा निकै बढी रहेको दाबी गरेको छ । यद्यपि, संगठनले आफ्नो अनुमानको आधार भने सार्वजनिक गरेको छैन ।
फ्रान्समा सरकारविरोधी प्रदर्शन चर्किरहेका बेला सहभागीको वास्तविक संख्यालाई लिएर सरकारी निकाय र विद्यार्थी संगठनबीच फरक दाबी देखिएको छ
