मुख्य समाचार
युरोपका विभिन्न देशमा उडिरहेका सात यात्रुवाहक विमानलाई बम राखिएको आशंकासहित सुरक्षा जाँच
युरोपका विभिन्न देशमा उडिरहेका सात यात्रुवाहक विमानलाई बम राखिएको आशंकासहित सुरक्षा जाँच

: युरोपका विभिन्न देशमा उडिरहेका सात यात्रुवाहक विमानलाई बम राखिएको आशंकासहित सुरक्षा जाँच गरिएको छ । बेलायतबाट उडेका दुई विमानसहितका जहाजमा अज्ञात व्यक्तिबाट बमको धम्की आएपछि सम्बन्धित देशका सुरक्षा निकायले जाँच गरेका हुन् ।

आयरल्यान्डको डब्लिन र पोर्चुगलको लिस्बनबाट रोम पुगेका र्‍यानएयरका दुई विमानमा पनि जाँच गरिएको थियो । इटालीको फ्युमिचिनो विमानस्थलका अधिकारीका अनुसार दुवै विमानमा कुनै पनि विस्फोटक पदार्थ भेटिएन ।

डब्लिनबाट आएको विमानलाई अवतरणअघि इटालियन वायुसेनाले सुरक्षा निगरानीमा राखेको थियो । यस्तै, पोल्यान्ड, स्पेन र बुल्गेरियामा पनि विमानहरूको सुरक्षा जाँच गरिएको बिबिसिले जनाएको छ ।

स्पेनको मर्सिया विमानस्थलमा अवतरण गरेको म्यानचेस्टरबाट आएको र्‍यानएयरको विमानमा पनि विस्फोटक पदार्थ नभेटिएको स्पेनी अधिकारीहरूले बताएका छन् । त्यस्तै, लन्डनको हिथ्रो विमानस्थलबाट वार्सा जाँदै गरेको विमानलाई पनि वैकल्पिक विमानस्थलतर्फ मोडिएको थियो ।

बुल्गेरियाका यातायातमन्त्री जिओर्जी पिभका अनुसार इटालीको बर्गामो र आयरल्यान्डको डब्लिनबाट सोफिया आउँदै गरेका दुई विमानमा पनि बमको धम्की आएको थियो । जाँचका क्रममा ती विमानमा पनि कुनै विस्फोटक पदार्थ भेटिएन ।

बेलायत सरकारले यी घटनालाई दुर्भावनापूर्ण झुटा धम्कीको संज्ञा दिएको छ । यद्यपि, विभिन्न देशका अधिकारीहरूले घटनाहरूबीच कुनै समन्वय वा सम्बन्ध छ कि छैन भन्नेबारे अनुसन्धान गरिरहेका छन् ।

विमान सुरक्षा विज्ञहरूले यात्रुवाहक विमानमा एकैपटक विभिन्न देशबाट आएका यस्ता धम्कीलाई असामान्य घटना बताएका छन् । यसअघि सोमबार पनि बमको धम्कीपछि लन्डनबाट बुडापेस्ट जाँदै गरेको विज एयरको विमानले आपत्कालीन अवतरण गरेको थियो । उक्त विमानमा पनि विस्फोटक पदार्थ भेटिएको थिएन ।

प्रतिक्रिया दिनुहोस्
अन्य समाचारहरु
एक पाकिस्तानी अन्तरिक्ष यात्री चीनको ‘शेन्झोउ–२४’ अन्तरिक्ष यानको चालक दलमा सहभागी हुुने भएको छ । यससँगै उनी चीनको अन्तरिक्ष स्टेसनमा पुग्ने पहिलो विदेशी नागरिक बन्नेछन् । चीनको सरकारी समाचार संस्था सिन्ह्वाका अनुसार, चाइना म्यान्ड स्पेस एजेन्सीले ती पाकिस्तानी अन्तरिक्ष यात्रीले अन्तरिक्ष कक्षमा छोटो अवधिको उडान पूरा गर्ने जनाएको छ । त्यसपछि उहाँ ‘शेन्झोउ–२३’ अन्तरिक्ष यानमार्फत पृथ्वीमा ...
। पूर्वी अफगानिस्तानको लगमान प्रान्तमा शनिबार साँझ भएको सडक दुर्घटनामा परी कम्तीमा सात जनाको मृत्यु भएको छ भने दुई जना घाइते भएका छन् । प्रान्तीय प्रहरी कार्यालयले आइतबार दुर्घटनाबारे जानकारी दिएको हो । प्रहरीका अनुसार काबुललाई पूर्वी प्रान्तहरूसँग जोड्ने मुख्य राजमार्गअन्तर्गत कारघाई जिल्लाको माशली क्षेत्रमा तीव्र गतिमा रहेको एउटा सवारी साधनले तीनपाङ्ग्रे मोटरसाइकललाई ठक्कर दिँदा दुर्घटना ...
: न्युजिल्यान्डको सन् २०२६ को आमनिर्वाचनको प्रारम्भिक मत परिणामअनुसार वर्तमान प्रधानमन्त्री क्रिस्टोफर लक्सन नेतृत्वको नेसनल पार्टी संसद्मा सबैभन्दा ठूलो दल बनेको छ। प्रारम्भिक मत परिणामले आगामी तीन वर्षका लागि लक्सन नै पुनः प्रधानमन्त्री बन्ने सम्भावना बलियो देखाएको छ। अधिकांश मतदान केन्द्रको मतगणना सम्पन्न हुँदा नेसनल पार्टीले ४२ सिट प्राप्त गरेको छ भने लेबर पार्टी ३६ ...
: न्युजिल्याण्डमा आम निर्वाचनका लागि आज मतदान जारी रहेको छ। वर्तमान प्रधानमन्त्री क्रिस्टोफर लक्सनका सामु आफ्नो सत्ता टिकाउन ठूलो चुनौती देखिएको छ। निर्वाचनपूर्व गरिएका मतसर्वेक्षणहरूमा लक्सनको सेन्टर-राइट नेशनल पार्टीले स्पष्ट बहुमत पाउने सम्भावना न्यून देखिएको छ। देशमा बढ्दो महँगी, बेरोजगारी र सुस्त आर्थिक सुधारलाई लिएर जनस्तरमा सरकारप्रति तीव्र असन्तुष्टि देखिएको छ। मुख्य प्रतिस्पर्धा लक्सनको नेशनल पार्टी ...
: पोल्यान्डको दोस्रो ठूलो सहर क्राकोको मुख्य बजार क्षेत्र ‘मेन मार्केट स्क्वायर’ मा शनिबार दिउँसो एक २४ वर्षीय युवकले गाडीबाट अन्धाधुन्ध गोली चलाउँदा ६ जनाको घटनास्थलमै मृत्यु भएको छ भने एक दर्जनभन्दा बढी घाइते भएका छन्। प्रहरीका अनुसार सैन्य पोसाक र अत्याधुनिक एआर-१५ राइफलले सुसज्जित ती आक्रमणकारीले पर्यटकीय आकर्षणको केन्द्र मानिने उक्त क्षेत्रमा सर्वसाधारणलाई लक्षित गरी ...