मुख्य समाचार
युक्रेनी राष्ट्रपति भोलोदिमिर जेलेन्स्की जर्मनीको राजधानी बर्लिन पुगे
युक्रेनी राष्ट्रपति भोलोदिमिर जेलेन्स्की जर्मनीको राजधानी बर्लिन पुगे

रुसको आक्रमणविरुद्ध युक्रेनको प्रतिरक्षा प्रयासका लागि अन्तर्राष्ट्रिय समर्थन जुटाउने उद्देश्यले युक्रेनी राष्ट्रपति भोलोदिमिर जेलेन्स्की मङ्गलबार जर्मनीको राजधानी बर्लिन पुगेका छन् ।

जेलेन्स्कीले सामाजिक सञ्जाल एक्समा लेख्दै भ्रमणका क्रममा कूटनीतिक समन्वय, हवाई प्रतिरक्षा प्रणालीको सुदृढीकरण र ऊर्जा क्षेत्रमा सहयोग जुटाउने विषयमा छलफल हुने बताएका हुन् ।

जर्मनी युक्रेनलाई सैन्य, आर्थिक तथा मानवीय सहयोग उपलब्ध गराउने प्रमुख राष्ट्रमध्ये एक हो । जर्मन चान्सलर फ्रेडरिक मेर्जले पनि युक्रेनप्रतिको समर्थन निरन्तर दोहोर्‍याउँदै आएका छन् ।

अमेरिकी राष्ट्रपति डोनाल्ड ट्रम्पका विशेष दूत स्टिभ विटकफले शान्ति वार्तालाई अघि बढाउने प्रयासस्वरूप अर्को साता अबुधाबीमा युक्रेनी, रुसी र अमेरिकी अधिकारीहरूबीच वार्ता हुने घोषणा गरेलगत्तै जेलेन्स्कीको जर्मनी भ्रमणमा पुगेका हुन् ।


जेलेन्स्कीको बर्लिन भ्रमण सुरक्षा तथा प्रतिरक्षासम्बन्धी एक सम्मेलनसँगै परेको छ । उक्त सम्मेलनको उद्घाटन लिथुआनियाका राष्ट्रपति गितानास नौसेदाले गर्ने कार्यक्रम छ । जेलेन्स्कीले पनि सम्मेलनमा सहभागी हुने बताएका छन् ।

सम्मेलनमा मुख्यत: युक्रेन युद्ध र रुसबाट युरोपको सुरक्षामा बढ्दै गएको चुनौतीबारे छलफल हुने अपेक्षा गरिएको छ ।

जेलेन्स्कीले सुरक्षा, स्थिरता र नियममा आधारित अन्तरराष्ट्रिय व्यवस्थाको रक्षा सबैको साझा चासो भएको उल्लेख गर्दै यी सिद्धान्तलाई ठोस निर्णय र कार्यमा रूपान्तरण गर्न मिलेर काम गर्नुपर्ने बताएका छन् ।

जर्मनीले नोभेम्बरको मध्यतिर युक्रेनका प्रमुख सहयोगी राष्ट्रहरूको समूह ‘कोएलिसन अफ द विलिङ’को बैठक आयोजना गर्ने योजना बनाएको छ । जर्मन चान्सलर मेर्जले गत साता यसबारे जानकारी दिएका थिए । –रासस

प्रतिक्रिया दिनुहोस्
अन्य समाचारहरु
एक पाकिस्तानी अन्तरिक्ष यात्री चीनको ‘शेन्झोउ–२४’ अन्तरिक्ष यानको चालक दलमा सहभागी हुुने भएको छ । यससँगै उनी चीनको अन्तरिक्ष स्टेसनमा पुग्ने पहिलो विदेशी नागरिक बन्नेछन् । चीनको सरकारी समाचार संस्था सिन्ह्वाका अनुसार, चाइना म्यान्ड स्पेस एजेन्सीले ती पाकिस्तानी अन्तरिक्ष यात्रीले अन्तरिक्ष कक्षमा छोटो अवधिको उडान पूरा गर्ने जनाएको छ । त्यसपछि उहाँ ‘शेन्झोउ–२३’ अन्तरिक्ष यानमार्फत पृथ्वीमा ...
। पूर्वी अफगानिस्तानको लगमान प्रान्तमा शनिबार साँझ भएको सडक दुर्घटनामा परी कम्तीमा सात जनाको मृत्यु भएको छ भने दुई जना घाइते भएका छन् । प्रान्तीय प्रहरी कार्यालयले आइतबार दुर्घटनाबारे जानकारी दिएको हो । प्रहरीका अनुसार काबुललाई पूर्वी प्रान्तहरूसँग जोड्ने मुख्य राजमार्गअन्तर्गत कारघाई जिल्लाको माशली क्षेत्रमा तीव्र गतिमा रहेको एउटा सवारी साधनले तीनपाङ्ग्रे मोटरसाइकललाई ठक्कर दिँदा दुर्घटना ...
: न्युजिल्यान्डको सन् २०२६ को आमनिर्वाचनको प्रारम्भिक मत परिणामअनुसार वर्तमान प्रधानमन्त्री क्रिस्टोफर लक्सन नेतृत्वको नेसनल पार्टी संसद्मा सबैभन्दा ठूलो दल बनेको छ। प्रारम्भिक मत परिणामले आगामी तीन वर्षका लागि लक्सन नै पुनः प्रधानमन्त्री बन्ने सम्भावना बलियो देखाएको छ। अधिकांश मतदान केन्द्रको मतगणना सम्पन्न हुँदा नेसनल पार्टीले ४२ सिट प्राप्त गरेको छ भने लेबर पार्टी ३६ ...
: न्युजिल्याण्डमा आम निर्वाचनका लागि आज मतदान जारी रहेको छ। वर्तमान प्रधानमन्त्री क्रिस्टोफर लक्सनका सामु आफ्नो सत्ता टिकाउन ठूलो चुनौती देखिएको छ। निर्वाचनपूर्व गरिएका मतसर्वेक्षणहरूमा लक्सनको सेन्टर-राइट नेशनल पार्टीले स्पष्ट बहुमत पाउने सम्भावना न्यून देखिएको छ। देशमा बढ्दो महँगी, बेरोजगारी र सुस्त आर्थिक सुधारलाई लिएर जनस्तरमा सरकारप्रति तीव्र असन्तुष्टि देखिएको छ। मुख्य प्रतिस्पर्धा लक्सनको नेशनल पार्टी ...
: पोल्यान्डको दोस्रो ठूलो सहर क्राकोको मुख्य बजार क्षेत्र ‘मेन मार्केट स्क्वायर’ मा शनिबार दिउँसो एक २४ वर्षीय युवकले गाडीबाट अन्धाधुन्ध गोली चलाउँदा ६ जनाको घटनास्थलमै मृत्यु भएको छ भने एक दर्जनभन्दा बढी घाइते भएका छन्। प्रहरीका अनुसार सैन्य पोसाक र अत्याधुनिक एआर-१५ राइफलले सुसज्जित ती आक्रमणकारीले पर्यटकीय आकर्षणको केन्द्र मानिने उक्त क्षेत्रमा सर्वसाधारणलाई लक्षित गरी ...