। १०औं राष्ट्रिय खेलकुदमा सूदूरपश्चिम प्रदेशबाट ७४४ खेलाडी सहभागी हुने भएका छन् ।
१०औं खेलकुदमा सूदुरपश्चिमले ३० खेलमा प्रतिस्पर्धा गर्ने प्रदेश खेलकुद परिषद्का सदस्य सचिव लोकबहादुर खड्काले जानकारी दिए ।
उनका अनुसार प्रदेश छनोट प्रतियोगिता कात्तिक २८ देखि मंसिर १ गतेसम्म हुनेछ । साइक्लिङ, टेनिस, पौडी, सेपाकताक्रो र हक्कीमा छनोटविनै खेलाडीहरुले १०औं खेल्नेछन् ।
बाँकी खेलमा भने छनोट प्रतियोगिता हुनेछ । ७ खेलको छनोट कञ्चनपुर र १८ खेलको छनोट कैलालीमा हुनेछ ।
१०औं खेलकुद आउँदो मंसिर १६ देखि २७ गतेसम्म कर्णाली प्रदेशमा हुँदैछ ।
