मुख्य समाचार
वर्तमान सरकारले जनताको विश्वास गुमाएको
वर्तमान सरकारले जनताको विश्वास गुमाएको

: नेपाली कांग्रेसका महामन्त्री प्रदीप पौडेलले वर्तमान सरकारले जनताको विश्वास गुमाएको बताएका छन्।

नेपाली कांग्रेस स्याङ्जा क्षेत्र नम्बर २ (क) को पदस्थापन तथा प्रशिक्षण कार्यक्रमलाई आइतबार वालिङमा सम्बोधन गर्दै पौडेलले सरकारले आफूले बोलेका कुरालाई कानुन झैँ ठान्ने गरेको उल्लेख गरे। निर्वाचनमा धेरै सिट जित्दैमा सरकारले आफूलाई संविधानभन्दा माथि ठान्न नहुने उनको भनाइ थियो। ‘संविधानभन्दा माथि कोही छैन। सत्ता र शासन विधिअनुसार चलाउनुपर्छ,’ उनले भने।

पौडेलले बहुदलीय समाजवादको फ्रेमभित्र कन्टेन्ट बदल्नुपर्ने उल्लेख गर्दै बीपीको समाजवादलाई समतामा आधारित समाजवाद बनाउनुपर्ने बताए। तत्कालीन अवस्था र वर्तमान अवस्थाका सन्दर्भ र समाज परिवर्तन भएका छन्। समय र सान्दर्भिक विषयवस्तु दिएर समाज विकासमा योगदान गर्न नेपाली कांग्रेसका कार्यकर्तालाई महामन्त्री पौडेलले आग्रह गरे। महामन्त्री पौडेलले भने, ‘नेपालको राजनीतिमा नेपाली कांग्रेस एक विश्वविद्यालय हो। तत्कालीन अवस्थामा बहुदलीय व्यवस्थाका कुरा गर्दा पागल, फरक मतको कदरका कुरा उठाउँदा विरोध हुन्थ्यो। लोकतन्त्रको शब्द नागरिकका बीचमा लैजाने पहिलो पार्टी नेपाली कांग्रेस नै हो।’

कांग्रेसलाई कमजोर बनाउने खेल सुरु भएको बताउँदै पार्टीका निम्ति कुनै किसिमको सौदाबाजी नभएको पौडेलले दाबी गरे। सभापति गगन थापामाथि लगाइएका आरोपको निष्पक्ष छानबिन गर्न सरकारसँग माग गर्दै उनले भने, ‘थर्काएर, तर्साएर हुँदैन। छानबिन गर्नुहोस्। प्रश्न तपाईंमाथि पनि छ। प्रश्न उठेपछि अनुत्तरित हुन पाइँदैन। आफूमाथिका प्रश्नको पनि जवाफ दिनुपर्छ।’ महामन्त्री पौडेलले थपे, ‘अल्गोरिदमको प्रयोग गरेर मात्र हुँदैन।’

रूपान्तरणको अभियानमा रहेको नेपाली कांग्रेस गगन थापाको नेतृत्वमा संगठित हुन उनले आग्रह गरे। मङ्सिर महिनाभित्र जिल्ला र प्रदेशको अधिवेशन सम्पन्न गर्ने समेत उनले जानकारी गराए। निर्वाचनमा पराजित हुने र विजयी हुने सँगसँगै हिँडे मात्र पार्टीको संगठन र निर्वाचन जित्न सकिने बताए।

स्थानीय तहको निर्वाचनका लागि तयारी अवस्थामा रहेको जानकारी गराउँदै विगतका कमीकमजोरी सुधार गर्दै अघि बढ्ने प्रतिबद्धता समेत उनले जनाए। टिकट वितरणलाई पारदर्शी एवं डिजिटल प्रविधिको उपयोग गर्दै क्रियाशील सदस्यहरूबाट उम्मेदवार चयन गर्नेगरी व्यवस्था मिलाइएको बताएका छन्।

प्रतिक्रिया दिनुहोस्
अन्य समाचारहरु
: प्रधानमन्त्री बालेन शाहको विशेष सुरक्षा सल्लाहकारमा नियुक्त भएका दानबहादुर कार्कीले पत्र बुझेको गृह मन्त्रालयले जनाएको छ। गृह मन्त्रालयका प्रवक्ता आनन्द काफ्लेले नियुक्त भएकै दिन कार्कीले नियुक्ति पत्र बुझेको जानकारी दिए। तर, निवर्तमान प्रहरीमहानिरीक्षक कार्की भने आफूलाई महानिरीक्षक पदबाट हटाएको भन्दै सरकारको सो निर्णयका विरुद्ध वारिसमार्फत सर्वोच्च अदालतमा रिट दायर गरेका छन्। उनको पेशी सोमबारका ...
। पोखरा–१८ सराङकोटस्थित सुधार गृहबाट भागेका एक जना बालबन्दी राति चोरी गर्ने तयारी गरिरहेका बेला हम्मरसहित पक्राउ परेका छन् । पोखरा लेकसाइडस्थित स्ट्रिट नम्बर १९ मा चोरी गर्ने तयारी गरिरहेका बेला उनलाई राति १ बजे पक्राउ गरिएको कास्की प्रहरी प्रमुख एसपी नवीन कार्कीले जानकारी दिए । सराङकोटस्थित बालसुधार गृहबाट सुरक्षाकर्मीकै आँखा अगाडि पर्खाल नाघेर भागेका १८ वर्षीय ...
: उपत्यकाका विभिन्न स्थानमा पनि छठ पर्व मनाइएको छ। गौरीघाट र कमलपोखरी लगायतका ठाउँमा धुमधामका साथ अस्ताउँदो सुर्यलाई अर्घ्य दिई छठपर्व अन्तर्गतको मुख्य पूजा गरिएको हो। छठपर्व सूर्यदेव र छठी माताको उपासना गर्दै अत्यन्त निष्ठा, शुद्धता र भक्तिभावका साथ मनाइने एक प्रमुख लोकपर्व हो।
। कर्णालीको प्रमुख पर्यटकीय गन्तव्य रारा ताल घुम्न आएका पर्यटक सवार गाडी मुगुमा दुर्घटना हुँदा मृत्यु भएका तीनैजनाको सनाखत भएको छ । दुई जना घाइते छन् । मृत्यु हुनेमा काठमाडौं कलंकीका ५० वर्षीय विजय बस्नेत, ५४ वर्षीय रमेश बिडारी र ५० वर्षीय पूर्णकुमार थापा रहेका जिल्ला प्रहरी कार्यालय मुगुका प्रमुख तथा प्रहरी नायब उपरीक्षक रवीराज थपलियाले ...
: प्रधानमन्त्री वालेन्द्र शाह (बालेन) को निजी सचिवालयमा कार्यरत कर्मचारी तथा विज्ञहरूको जिम्मेवारी बाँडफाँट गरिएको छ। सचिवालयमा विज्ञका रूपमा कार्यरत व्यक्तिहरूलाई संयोजक र उपसंयोजकको जिम्मेवारी दिइएको छ भने सल्लाहकारहरूको पदीय भूमिका पनि निर्धारण गरिएको छ। प्रधानमन्त्रीका मुख्य सल्लाहकारमा कुमार व्यञ्जनकार (कुमार वेन) छन्। अवैतनिक रूपमा कार्यरत उनलाई मन्त्रीसरहको भूमिका दिइएको छ। राजनीतिक सल्लाहकार असीम शाह र ...