मुख्य समाचार
चिनियाँ कम्युनिस्ट पार्टीको निमन्त्रणामा ११ दिने भ्रमणमा रहेको रास्वपाको टोलीले चीन पुगेको भोलिपल्टबाट विभिन्न क्षेत्रको अवलोकन सुरु
चिनियाँ कम्युनिस्ट पार्टीको निमन्त्रणामा ११ दिने भ्रमणमा रहेको रास्वपाको टोलीले चीन पुगेको भोलिपल्टबाट विभिन्न क्षेत्रको अवलोकन सुरु

। चिनियाँ कम्युनिस्ट पार्टीको निमन्त्रणामा ११ दिने भ्रमणमा रहेको रास्वपाको टोलीले चीन पुगेको भोलिपल्टबाट विभिन्न क्षेत्रको अवलोकन सुरु गरेको छ ।

महामन्त्री विपिन आचार्यको नेतृत्वमा चीन भ्रमणमा निस्केको २० जनाको प्रतिनिधिमण्डल आइतबार साँझ छेङ्दु पुगेको थियो । सोमबार बिहान टोलीले क्यापिटल बायो समूहको जैवप्रविधि तथा परीक्षण उपकरण र एक्सडी झोङटे ट्रान्सफर्मर कारखानाको अवलोकन गरेको छ ।

प्रतिनिधिमण्डललाई क्यापिटल बायो समूहको इतिहास, जैवचिप प्रविधि, आनुवांशिक परीक्षण तथा स्वचालित रोग पहिचान प्रणालीबारे जानकारी गराइएको टोलीमा सहभागी रास्वपा सांसद डा. धनञ्जय रेग्मीले जानकारी दिए । संस्थाले अनुसन्धानबाट विकसित प्रविधिलाई स्वास्थ्य परीक्षणका उपकरण र सेवामा रूपान्तरण गर्दै आएको छ ।

कम्पनीका प्रतिनिधिले प्रविधि मुख्यत: रोग उत्पन्न गर्ने सूक्ष्मजीवको पहिचान, आनुवांशिक रोगको परीक्षण र व्यक्तिको आनुवांशिकताअनुसार उपचारमा सहयोग गर्न सकिने बारेमा टोलीलाई जानकारी गराएको थियो । नास्टसँगको सहकार्यमा नेपालका हिमाली क्षेत्रमा देखिने रोगबारे संयुक्त अनुसन्धान अघि बढाउने इच्छा कम्पनीका प्रतिनिधिले रास्वपा टोलीसँग राखेका थिए ।


सोमबार बिहान नै प्रतिनिधिमण्डलले एक्सडी झोङटे ट्रान्सफर्मर कारखानाको अवलोकन गरेको छ । विशेष ट्रान्सफर्मर निर्माण, अनुसन्धान, परीक्षण तथा क्षमता विस्तारसम्बन्धी प्रस्तुतीकरण गरिएको थियो ।

यस कम्पनीले ट्रान्सफर्मर क्षेत्रमा २० वर्षभन्दा बढी समय ट्रान्सफर्मर अनुसन्धान तथा विकास केन्द्र र दक्षिणपश्चिम चीनमा उत्पादन, परीक्षण तथा मर्मतसम्भार आधारका रूपमा काम गर्दै आएको छ ।

प्रतिक्रिया दिनुहोस्
अन्य समाचारहरु
। नेकपा एमालेका महासचिव शङ्कर पोखरेलले वर्तमान सरकार प्रतिशोधपूर्ण व्यवहार र अधिनायकवादी कार्यशैलीका साथ अघि बढेको आरोप लगाएका छन्। सरकारका गतिविधिले लोकतान्त्रिक मूल्य, संवैधानिक व्यवस्था र कानुनी शासनमाथि गम्भीर प्रश्न उठाएको भन्दै उनले सरकारको कार्यशैलीप्रति असन्तुष्टि व्यक्त गरे। सोमबार पार्टी केन्द्रीय कार्यालय च्यासलमा आयोजित पत्रकार सम्मेलनमा बोल्दै महासचिव पोखरेलले भदौ २३ र २४ गतेका घटनालाई नेपालको संवैधानिक ...
। उज्यालो नेपाल पार्टीका अध्यक्ष कुलमान घिसिङले स्थानीय तहको निर्वाचन गैरदलीय हुनुपर्ने बताएका छन्। सोमबार सप्तरीको सुरुङ्गा नगरपालिका–७ बसानपट्टीमा आयोजित कार्यक्रममा बोल्दै घिसिङले घिसिङले सरकारलाई दलीय स्वार्थभन्दा माथि राखेर जनसेवा, सुशासन र विकासको प्रभावकारी माध्यम बनाउनुपर्ने बताएका हुन्। आफ्नो पार्टीले स्थानीय तहको निर्वाचन गैरदलीय बनाउन तथा विदेशमा रहेका नेपाली नागरिकलाई मतदानको अधिकार सुनिश्चित गर्न निर्वाचन आयोगमा यसअघि ...
। नेकपा एमालेका महासचिव शंकर पोखरेलले आगामी मङ्सिर २ र ३ गते काठमाडौंमा हुने राष्ट्रिय कार्यकर्ता भेलाले सिङ्गो पार्टीलाई एउटै राजनीतिक लयमा अघि बढाउने बताएका छन्। सोमबार पार्टी केन्द्रीय कार्यालय च्यासलमा आयोजित पत्रकार सम्मेलनमा बोल्दै महासचिव पोखरेलले भेलाको मुख्य उद्देश्य नयाँ निर्णय गर्नुभन्दा पनि यसअघि भएका निर्णयहरूको कार्यान्वयनमा एकरूपता ल्याउनु रहेको स्पष्ट पारे। राष्ट्रिय भेला नीति निर्माण ...
। बझाङमा अटो दुर्घटना हुँदा तीन जनाको मृत्यु भएको छ भने एक जना बेपत्ता छन् । बुंगल नगरपालिका–१० को टुमेडामा बिहान साढे १० बजेतिर नम्बर नखुलेको अटो दुर्घटना हुँदा तीन जनाको घटनास्थलमै मृत्यु भएको प्रहरीले जनाएको छ । जिल्ला प्रहरी कार्यालयका प्रमुख प्रहरी नायब उपरीक्षक(डीएसपी) टेकबहादुर जोराले तीन जनाको घटनास्थलमै मृत्यु भएको जानकारी दिए । उनकाअनुसार दुर्घटनामा ...
। विज्ञान, प्रविधि तथा नवप्रवर्तन मन्त्री महावीर पुनले प्रधानमन्त्री दैवी प्रकोप उद्धार कोषमा प्राप्त भएको रकमको दुरुपयोग नहुने स्पष्ट पारेका छन् । सोमबार मन्त्रालयमा नेपाली एसोसिएसन अफ ओरेगन, अमेरिकाले कोषमा गरेको सहयोग रकम बुझ्दै मन्त्री पुनले कोषको रकम पारदर्शी रूपमा नै खर्च हुने भन्दै दुरुपयोग नहुने स्पष्ट पारेका हुन् । बाटोघाटो, पुल, स्कुल तथा अस्पतालहरू बगाएका स्थानमा ...