मुख्य समाचार
न्युजिल्यान्डको सेवा क्षेत्रमा व्यावसायिक गतिविधि उल्लेखनीय रूपमा बढ्दै साढे तीन वर्षयताकै उच्च विन्दुमा
न्युजिल्यान्डको सेवा क्षेत्रमा व्यावसायिक गतिविधि उल्लेखनीय रूपमा बढ्दै साढे तीन वर्षयताकै उच्च विन्दुमा

। न्युजिल्यान्डको सेवा क्षेत्रमा व्यावसायिक गतिविधि उल्लेखनीय रूपमा बढ्दै साढे तीन वर्षयताकै उच्च विन्दुमा पुगेको छ । अक्टोबर महिनामा सेवा क्षेत्रको विस्तारले गति लिएसँगै मुलुकको समग्र अर्थतन्त्रमा सुधारको संकेत देखिएको एक उद्योग सर्वेक्षणले जनाएको छ ।

बीएनजेड–बिजनेसएनजेडले सार्वजनिक गरेको पर्फर्मेन्स अफ सर्भिसेज इन्डेक्स (पीएसआई) अक्टोबरमा ०.८ अंकले बढेर ५१.७ पुगेको छ । सेप्टेम्बरमा उक्त सूचक ५०.९ अंक थियो। लगातार पाँच महिनादेखि ५० अंकको सीमाभन्दा माथि रहेको यस सूचकले न्युजिल्यान्डको सेवा क्षेत्र निरन्तर विस्तार भइरहेको देखाएको छ । ५० अंकभन्दा माथिको सूचकले व्यावसायिक गतिविधिमा विस्तार र तलको सूचकले संकुचन जनाउँछ ।

बिजनेसएनजेडकी प्रमुख कार्यकारी क्याथरिन रिचले पछिल्लो तथ्यांकलाई सेवा क्षेत्रका लागि उत्साहजनक संकेतका रूपमा व्याख्या गर्नुभएको छ । उहाँका अनुसार गर्मीयाम नजिकिँदै गर्दा व्यावसायिक गतिविधि र नयाँ कारोबार दुवैमा वृद्धि देखिएको छ ।

उहाँले नोभेम्बर ७ मा सम्पन्न आमनिर्वाचनअघि धेरै व्यवसायीले लगानी तथा अन्य महत्वपूर्ण व्यावसायिक निर्णय स्थगित गरेको बताए। नयाँ सरकार गठनको प्रक्रिया अघि बढेसँगै रोकिएका खर्च तथा लगानीका योजना कार्यान्वयनमा आउन सक्ने उनको अपेक्षा छ ।


सर्वेक्षणअनुसार नयाँ अर्डर तथा व्यवसायसम्बन्धी उपसूचक ५३ अंकमा पुगेको छ भने गतिविधि तथा बिक्रीसम्बन्धी उपसूचक ५२.६ अंक कायम भएको छ । यी दुवै सूचकले सेवा क्षेत्रमा माग र कारोबार बढिरहेको संकेत गरेका छन् । यद्यपि, रोजगारीसम्बन्धी सूचक ४९.९ अंकमा रहेकाले रोजगार बजारमा अझै अपेक्षित सुधार हुन सकेको छैन ।

व्यवसायीहरूले इन्धनको मूल्यवृद्धि, जीवनयापनको बढ्दो लागत, ब्याजदर तथा राजनीतिक अनिश्चिततालाई प्रमुख चुनौतीका रूपमा औँल्याएका छन् । तर गर्मीयामको तयारी, क्रिसमसका लागि बढ्दो बुकिङ र विदेशी पर्यटकको आगमनले सेवा क्षेत्रलाई सकारात्मक ऊर्जा दिएको छ ।

बीएनजेडका वरिष्ठ अर्थशास्त्री डग स्टिलले अर्थतन्त्रमा महत्वपूर्ण योगदान पु-याउने सेवा क्षेत्रमा देखिएको सुधार स्वागतयोग्य रहेको बताएका छन् । उनका अनुसार यो गति निरन्तर कायम रहे न्युजिल्यान्डको अर्थतन्त्र व्यापक रूपमा पुनरुत्थान भइरहेको थप प्रमाण प्राप्त हुनेछ ।

सेवा क्षेत्रमा बढ्दो गतिविधिले आगामी महिनामा व्यवसाय, पर्यटन र उपभोगमा थप सुधार ल्याउने अपेक्षा गरिएको छ ।

प्रतिक्रिया दिनुहोस्
अन्य समाचारहरु
। दक्षिण अफ्रिकामा आइतबार भएका दुई छुट्टाछुट्टै सामूहिक गोलीकाण्डमा कम्तीमा १७ जनाको मृत्यु भएको छ । प्रहरीका अनुसार करिब ५३६ किलोमिटरको दूरीम भएका यी घटनाको कारण तत्काल खुल्न सकेको छैन । प्रहरीका अनुसार पिटरमारिट्जबर्ग सहरबाहिर स्विटवाटरमा गोली लागेर क्षतिग्रस्त भएको एउटा गाडीभित्र आठ जनाको शव फेला परेको थियो । घटनामा मारिएका व्यक्तिहरूको पहिचान हुन सकेको छैन ...
: चेक गणतन्त्रमा सार्वजनिक सञ्चारमाध्यमको समर्थनमा प्रागको लेट्ना मैदानमा भएको प्रदर्शनमा करिब ४ लाख स्थानीय सहभागी भए। तथ्यांक पुष्टि भएमा यो सन् १९८९ को अन्त्य भएयताको चेक गणतन्त्रमा भएको सबैभन्दा ठूलो प्रदर्शन हुनेछ। करिब ३ साताअघि सत्ता गठबन्धनले प्रतिनिधिसभामा चेक टेलिभिजन र चेक रेडियोको लाइसेन्स शुल्क खारेज गर्ने विधेयकको पहिलो वाचन अचानक पारित गराएको थियो। ...
। सुडानको पश्चिम कोर्डोफान राज्यस्थित एक गाउँमा सेनाले गरेको ड्रोन आक्रमणमा फुटबल खेलिरहेका चार बालबालिकासहित १५ जनाको मृत्यु भएको छ । आइतबार अबु कल्ब गाउँमा भएको आक्रमणमा अन्य केही घाइते भएका छन् भने कैयौँ घरमा आगलागी भएको स्थानीय अधिकार अनुगमन संस्थाले जनाएको छ । स्थानीय अधिकार अनुगमन संस्था कोर्डोफान अब्जर्भेटरीका अनुसार सेनाले एउटै क्षेत्रमा दुईपटक ड्रोन ...
। युक्रेनले रुसको नियन्त्रणमा रहेको क्रिमिया पुललाई लक्षित गरी एकै दिनमा एक हजार ३३६ ड्रोन प्रहार गरेको छ । आक्रमणबाट पुलमा ठूलो क्षति नभएको देखिए पनि रुसी अधिकारीहरूले यातायात आवागमनमा प्रतिबन्ध लगाएका छन् । रुसको रक्षा मन्त्रालयका अनुसार यो वर्ष एकै दिनमा प्रक्षेपण गरिएका ड्रोनमध्ये उक्त सङ्ख्या दोस्रो ठूलो हो । क्रिमियाका रुसी नियुक्त गभर्नर सेर्गेई ...
। बङ्गलादेशले पूर्वप्रधानमन्त्री शेख हसिनाको गृहनगर गोपालगञ्जमा सम्भावित सुरक्षा चुनौतीलाई ध्यान दिँदै सीमा सुरक्षा बल (बिजिबी) का १० प्लाटुन परिचालन गरेको छ । निगरानीका लागि ड्रोन र बडी क्यामेरा तथा सम्भावित दङ्गा नियन्त्रणका लागि सशस्त्र सवारीसाधनसमेत तैनाथ गरिएको छ । हसिनाले डिसेम्बरमा स्वदेश फर्कने योजना सार्वजनिक गरेपछि गोपालगञ्जमा अवामी लिगका समर्थक सक्रिय भएका छन् । पार्टी ...