मुख्य समाचार
सरकार बदल्ने वा सरकारमा जाने सोच छैन : योगेश भट्टराई
सरकार बदल्ने वा सरकारमा जाने सोच छैन : योगेश भट्टराई

: नेकपा एमालेका उपमहासचिव योगेश भट्टराईले आफ्नो पार्टीको तत्काल सरकार बदल्ने वा सरकारमा जाने कुनै योजना नरहेको बताएका छन् ।

पार्टी कार्यालय च्यासलमा सञ्चारकर्मीसँग कुरा गर्दै उनले संसदीय प्रक्रियाबाट वर्तमान सरकार परिवर्तन हुने सम्भावना नरहेको बताएका हुन् ।

राष्ट्रिय स्वतन्त्र पार्टी (रास्वपा) को सरकारसँग प्रचण्ड बहुमत रहेको उल्लेख गर्दै भट्टराईले पार्टीभित्रै आन्तरिक द्वन्द्व भएर नेतृत्वले विकल्प खोजे त्यो उनीहरूकै विषय हुने बताए ।

‘उहाँहरूले नै विकल्प खोज्नुभयो भने त्यो उहाँहरूको मामला हो । त्यसमा हामी साईँसाईँ सुइँसुइँ गर्ने कुरा भएन,’ उनले भने ।

भट्टराईले सरकारका कामकारबाहीप्रति जनस्तरमा असन्तुष्टि बढ्दै गएको दाबी गरे । सरकारले गलत गतिविधि जारी राखे जनताबाट सडक आन्दोलनमार्फत प्रतिवाद हुन सक्ने उनको भनाइ थियो ।

‘अहिले हामी सरकार बदल्ने, सरकारमा जाने भन्ने सोचमै छैनौँ । सरकारतिर हाम्रो आँखा नै छैन, सरकार बदल्ने हाम्रो एजेन्डै होइन,’ उनले स्पष्ट पारे ।

उनले एमालेको आगामी राष्ट्रिय भेला स्थानीय तह र प्रदेशसभा निर्वाचनलाई केन्द्रित गरेर आयोजना गर्न लागिएको जानकारी दिए । भेलाले सरकारका कामकारबाहीबारे पार्टीको धारणा तय गर्नुका साथै गलत कामविरुद्ध दबाब सिर्जना गर्ने बताए ।

भट्टराईका अनुसार पछिल्लो सात–आठ महिनामा सरकारका कामकारबाहीबारे विभिन्न आलोचनात्मक अवस्था सिर्जना भएका छन् । ती विषयमा पार्टीले आफ्नो धारणा बनाएर सरकारलाई दबाब दिने उनको भनाइ छ ।

प्रतिक्रिया दिनुहोस्
अन्य समाचारहरु
। गण्डकी प्रदेशका मुख्यमन्त्री सुरेन्द्रराज पाण्डेले नागरिकको स्वास्थ्य सेवाप्रति प्रदेश सरकार गम्भीर रहेको बताएका छन्। आज लमजुङको बेँसीसहर नगरपालिका–८ स्थित प्रदेश अस्पतालको चौथो वार्षिकोत्सव समारोहलाई सम्बोधन गर्दै उनले नागरिकलाई सहज र गुणस्तरीय स्वास्थ्य सेवा उपलब्ध गराउन प्रदेश सरकारले अस्पतालको स्तरोन्नति, जनशक्ति व्यवस्थापन र सेवा विस्तारलाई प्राथमिकता दिएको बताएका हुन्। मुख्यमन्त्री पाण्डेका अनुसार प्रदेश सरकारले विभिन्न जिल्लामा ...
। सभामुख डोलप्रसाद अर्यालले नेपालीको जीवनस्तर सुधार र भौतिक पूर्वाधार विकासविना समृद्धि नहुने भन्दै यसका लागि सबैको साझा प्रयत्न, सहकार्य र संवाद जरुरी रहेको बताएका छन् । छठ पर्वका लागि मधेश आएका उनले आज दिउँसो बर्दिवासमा स्थानीय बासिन्दासँगको भेटघाटलाई सम्बोधन गर्दै मधेसमा शिक्षा, स्वास्थ्य र कृषि क्षेत्रमा परिणाममुखी कामको आवश्यकता रहेकामा जोड दिए । ‘हामीले मधेशको शिक्षा, ...
। नेपाल सार्वभौम ‘क्रेडिट रेटिङ’ मूल्यांकनमा पुन: सोही स्थानमा रहन बाध्य भएको छ । फिट्चको सार्वभौम रेटिङ मोडेल (एआरएम) मा नेपाल पुन: ‘बीबी माइनस’ मा रहेको छ । अर्थ मन्त्रालयका अनुसार यस वर्ष नेपालको अंक ०.१९ ले बढेर ३.६६ पुगेको छ । गत वर्ष ३.४७ थियो । गत वर्षको अंकमा गुणात्मक मूल्यांकनबाट एक तह थपेर बीबी ...
। जेनजी आन्दोलनमा केन्द्रीय कारागार सुन्धाराबाट फरार भएका एक कैदीबन्दी पक्राउ परेका छन् । पक्राउ पर्नेमा सिन्धुलीको हरिहरपुरगढी गाउँपालिका–५ का ३४ वर्षीय भीमबहादुर वाइबा छन् । उनलाई प्रहरी प्रभाग कोटेश्वरको टोलीले आइतबार जडिबुटीबाट पक्राउ गरेको हो । बलात्कार मुद्दामा उनलाई ८ वर्ष कैद तोकिएको थियामे । ३ वर्ष कैद भुक्तान गरेका उनको अझै ५ वर्ष कैद भुक्तान ...
। अर्थमन्त्री डा. स्वर्णिम वाग्लेले नेपालको पहिलो बैंक नेपाल बैंक लिमिटेडलाई वित्तीय तथा आर्थिक अनुशासन कायम गर्दै खराब कर्जा असुलीमा विशेष ध्यान दिन निर्देशन दिएका छन् । नेपाल बैंक लिमिटेडको ९०औँ वार्षिकोत्सव समारोहको आज यहाँ उद्घाटन गर्दै उनले बैंकलाई अनुत्पादक क्षेत्रमा लगानी नगर्न पनि आग्रह गरे । नेपालको बैंकिङ क्षेत्रमा गौरवमय इतिहास बोकेको यस बैंकले सुशासनको ...