मुख्य समाचार
अमेरिकाका प्रमुख बैंकहरूमा प्राविधिक समस्या आउँदा हजारौं ग्राहकहरु समस्यामा
अमेरिकाका प्रमुख बैंकहरूमा प्राविधिक समस्या आउँदा हजारौं ग्राहकहरु समस्यामा

। अमेरिकाका प्रमुख बैंकहरूमा प्राविधिक समस्या आउँदा हजारौं ग्राहकहरु समस्यामा परेका छन् । जेपी मोर्गन चेज, वेल्स फार्गो र बैंक अफ अमेरिकाका हजारौं ग्राहकहरुले सोमबार बैंकिङ सेवा प्रयोग गर्न समस्या भोगेको गुनासो गरेका छन् ।

अमेरिकाको सबैभन्दा ठूलो बैंकिङ संस्था चेज बैंकले आफ्नो हार्डवेयर प्रणालीमा देखिएको ‘सफ्टवेयर बग’ का कारण समस्या उत्पन्न भएको हुनसक्ने जनाएको छ । उक्त समस्याले अन्य बैंकका सेवासमेत प्रभावित भएको हुनसक्ने बैंकको भनाइ छ ।

बैंकले समस्यालाई अस्थायी प्रकृतिको भन्दै यसमा प्रणालीगत त्रुटि वा साइबर आक्रमणको कुनै सम्बन्ध नरहेको स्पष्ट पारेको छ ।

सोमबार दिउँसोदेखि सुरु भएको समस्या साँझसम्म आइपुग्दा क्रमशः कम हुँदै गएको थियो । सेवा अवरुद्ध भएको विषय अनुगमन गर्ने वेबसाइट डाउनडिटेक्टरका अनुसार चेज बैंकका सेवामा समस्या आएको भन्दै करिब पाँच हजार प्रयोगकर्ताले रिपोर्ट गरेका थिए ।


चेज बैंकले आफ्ना ग्राहकलाई सूचना जारी गर्दै केही कारोबार पूरा हुन सामान्यभन्दा बढी समय लागिरहेको जनाएको थियो । यद्यपि ग्राहकले आफ्नो खाता र रकममा पहुँच कायम राख्न सक्ने बैंकको भनाइ थियो ।

जेपी मोर्गन चेजको सहायक संस्था चेज बैंकका अमेरिकाभर पाँच हजार शाखा छन् । कम्पनीको वेबसाइटअनुसार यसले ८ करोड ६० लाखभन्दा बढी ग्राहक र ७४ लाख साना व्यवसायलाई बैंकिङ सेवा प्रदान गर्दै आएको छ । यो अमेरिका सबैभन्दा ठूलो क्रेडिट कार्ड जारी गर्ने संस्था पनि हो ।

यद्यपि, प्रणालीमा देखिएको सफ्टवेयर समस्याको वास्तविक प्रकृति भने नखुलाइएको बीबीसीले जनाएको छ ।

यसैबीच, यूएस बैंकले आफ्ना केही प्रणाली प्रत्यक्ष रूपमा प्रभावित नभए पनि डिजिटल भुक्तानी प्लेटफर्म जेल (Zelle) प्रयोग गर्ने ग्राहकले समस्या भोगेको जनाएको छ । ग्राहकले रकम पठाउन खोज्दा भुक्तानी हुन नसकेको सन्देश प्राप्त गरेका थिए ।

जेलले भने आफ्नो सेवा सामान्य रूपमा सञ्चालन भइरहेको दाबी गरेको छ । अन्य बैंकमा देखिएका प्राविधिक समस्याले भुक्तानी प्रक्रियामा असर पारेको हुन सक्ने उसको भनाइ छ ।

ट्रुइस्ट, पीएनसी र क्यापिटल वन बैंकका ग्राहकले पनि सेवा प्रयोगमा समस्या आएको गुनासो गरेका थिए । तर ती बैंकहरूले भने आफ्ना सेवा प्रभावित नभएको बताएका बीबीसीले जनाएको छ ।

सोमबार साँझ ६ बजेसम्म (अमेरिकी समय) चेज, बैंक अफ अमेरिका र यूएस बैंकमा सेवा अवरुद्ध भएको भन्दै आएका रिपोर्टको संख्या घट्न थालेको थियो ।

पछिल्लो समस्या अमेरिकामा एकपछि अर्को प्राविधिक अवरोध देखिएका बेला आएको हो । गत साता माइक्रोसफ्टको ठूलो प्राविधिक अवरोध, दूरसञ्चार सेवामा समस्या र नेटवर्क असफलताका कारण अमेरिकाका सबै उडानसमेत प्रभावित भएका थिए ।

लगातार देखिएका यस्ता प्राविधिक समस्याले बैंकिङ, भुक्तानी, सञ्चार र हवाई सेवाजस्ता अत्यावश्यक क्षेत्रमा डिजिटल प्रणालीमाथिको निर्भरता र त्यसको जोखिमबारे पुनः प्रश्न उठाएको छ ।

प्रतिक्रिया दिनुहोस्
अन्य समाचारहरु
: पाकिस्तानका पूर्वप्रधानमन्त्री तथा पाकिस्तान तहरीक-ए-इन्साफ (पीटीआई) का संस्थापक इमरान खानले जेलभित्र आफ्नो स्वास्थ्य अवस्था गम्भीर बन्दै गएको भन्दै तत्काल उपचारको व्यवस्था गर्न माग गरेका छन्। उनले आफ्नी श्रीमती बुशरा बीबीको स्वास्थ्य अवस्था पनि बिग्रिएको उल्लेख गर्दै दुवैलाई उचित उपचार उपलब्ध गराउन पाकिस्तानका तीन प्रमुख अदालतका प्रधानन्यायाधीशहरूसँग अपिल गरेका हुन्। इमरानले सोमबार संघीय संवैधानिक अदालत, सर्वोच्च ...
: अमेरिकी राष्ट्रपति डोनाल्ड ट्रम्पले एनभिडियाका पूर्व प्रमुख कार्यकारी अधिकृत (सीईओ) जेन्सेन हुआङलाई पुनः कम्पनीको नेतृत्वमा फर्काइएको देख्न आफूलाई कुनै आपत्ति नहुने बताएका छन् । हुआङले गत साता व्यक्तिगत सम्बन्धसम्बन्धी विवाद सार्वजनिक भएपछि एनभिडियाको प्रमुख पदबाट राजीनामा दिएका थिए । उनीमाथि चीनका लागि जासुसी गरेको आशंका गरिएकी एक महिलासँग र आफ्नै कम्पनीकी एक कर्मचारीसँग सम्बन्ध रहेको ...
: अमेरिकाको म्यासाचुसेट्स राज्यमा आफ्नै तीन सन्तानको हत्या गरेको आरोप लागेकी लिन्डसे क्लेन्सीविरुद्ध आगामी वर्ष पुनः मुद्दा चलाइने भएको छ । अदालतले सोमबार सुनुवाइ गर्दै सन् २०२७ मार्च २९ का लागि पुनः सुनुवाइको मिति तोकेको हो । यसअघि भएको सुनुवाइमा १२ सदस्यीय जुरीबीच एकमत हुन नसकेपछि अदालतले मुद्दामा सुनुवाइ निष्कर्षविहीन भएको घोषणा गरेको थियो । ३६ वर्षीया ...
। इजरायली सेनाले सिरियाबाट लेबनानतर्फ हिज्बुल्लाहका लागि लगिँदै गरेको हतियारको ढुवानीलाई लक्षित गरी राति हवाई आक्रमण गरेको जनाएको छ । सिरिया र लेबनानको सीमामा पर्ने जानता क्षेत्रमा उक्त आक्रमण गरिएको सेनाले सोमबार जारी गरेको विज्ञप्तिमा उल्लेख गरेको छ । उक्त क्षेत्र विगतमा हतियार तस्करीका लागि प्रयोग हुँदै आएको सेनाको भनाइ छ । लेबनानी सञ्चारमाध्यमले सोमबार बिहान उक्त ...
: युरोपेली संघ (ईयू) का पाँच देशले अवैध रूपमा बसोबास गरिरहेका आप्रवासीलाई देशनिकाला गरी रुवान्डा पठाउने योजना सार्वजनिक गरेका छन् । जर्मनी, डेनमार्क, अस्ट्रिया, ग्रिस र नेदरल्यान्ड्सले सन् २०२७ देखि रुवान्डामा आप्रवासी फिर्ता केन्द्र (रिटर्न हब) सञ्चालन गर्ने तयारी गरेका हुन् । नेदरल्यान्ड्स र डेनमार्क सरकारले सोमबार यसको जानकारी दिएका हुन् । यो योजना सम्बन्धित पाँच देशमा ...